ក្លិបចាបស្រុក West Bromwich Albion កំពុងតែសម្លឹងឃើញគ្រូបង្វឹករបស់ក្លិបមាន់ខ្នាយមាស Tottenham Hotspur គឺលោក Tim Sherwood ដើម្បីមកដឹកនាំក្រុមនៅរដូវកាលក្រោយ ។ ក្លិប West Brom បានប្រកាសកាលពីថ្ងៃច័ន្ទថា លោក Pepe Mel នឹងចាកចេញពីក្រុមបន្ទាប់ពី លោកបានដឹកនាំក្រុមឲ្យមានកន្លែងសុវត្ថិភាពក្នុងក្របខណ្ឌ Premier League នៅរដូវកាលនេះ ។
យោងតាមគេហទំព័រ The Mirror បានចុះផ្សាយថា ក្លិបចាកស្រុកបានសម្លឹងឃើញគ្រូបង្វឹក Spurs រូបនេះជាគោលដៅដ៏ធំរបស់ក្លិបហើយពួកគេនឹងដាក់សំណើរក្នុងរយៈពេលប៉ុន្មានថ្ងៃខាងមុខ ។ គួរបញ្ជាក់ថា លោក Sherwood ត្រូវបានគេជឿជាក់ថា នឹងចាកចេញពីទឹកដី White Hart Lane បន្ទាប់ពីក្លិបបាត់បង់តំណែងលេង Champions League ដោយឈរនៅលំដាប់ទី៦ក្នុងតារាង 
