បន្ទាយមានជ័យ:កសិករខ្មែរដែលធ្វើស្រែប្រាំងនិងបុគ្គលិកជនជាតិចិននាំឧទ្យានកសិកម្មគំរូនៅថ្ងៃទី១៤កុម្ភ:ឆ្នាំ២០១៦ បាននាំគ្នាកាប់កាយផ្តាច់ទំនប់មួយដើម្បីនាំទឹកធុំក្លិនស្អុយពីអូរព្រំដែនកម្ពុជា-ថៃយកទៅស្រោចស្រពសង្គ្រោះស្រូវប្រាំងនិងដំណាំរាប់សិបហិចតាដែលប្រឈមស្វិតស្រពោន។
លោកហុន ,លោកភោគតំណាងកសិករនៅភូមិសន្តិភាពនិងលោកយ៉ាង វីុយហ្គូ ,លោកស្សាង ហ្គូយ៉ាង ជនជាតិចិន ជាអ្នកបច្ចេកទេសនិងគ្រប់គ្រងនៃឧទ្យានកសិកម្មគំរូមិត្តភាពយូណាន(ចិន)-បន្ទាយមានជ័យ(កម្ពុជា)នៅចំណុចអូរល្ហុងនិងចំណុចបឹងក្របៅភូមិសន្តិភាពឃុំទួលពង្រស្រុកម៉ាឡៃអោយដឹងថ្ងៃទី១៥កុម្ភ:ថា:ដោយសារវាលស្រែប្រាំងស្រូវអីុអែ៊រចុងក្រោយពួកខ្លួនទំហំជាង៥០ហិចតានិងដីស្រែបង្ហាញទំហំ៨ហិចតា,ដំណាំ២ហិចតា ក្នុងឧទ្យានប្រឈមអស់ទឹក ទើបពួកខ្លួនសុុអន្តរាគមន៍ពីលោកអភិបាល អភិបាលរងខេត្តនិងមន្ទីរកសិកម្មខេត្តដើម្បីបើកកាប់កាយទំនប់មួយបង្ហូរនាំទឹក មានក្លិនស្អុយនៅអូរព្រំដែនកម្ពុជា- ថៃទៅស្រោចស្រព សង្គ្រោះស្រូវប្រាំងនិងដំណាំចុងក្រោយរបស់ពួកខ្លួន។
ករណីនេះ លោកឌឹក តំណាងក្រុមហ៊ុនអានកូវ៉តធឺស័បប្លាយ,លោកឆៃ យ៉ា មេសន្តិសុខក្រុមហ៊ុនកាសុីណួូហ្គោលដិនក្រោននិយាយថា:ពួកខ្លួនស្ទើរអត់ទ្រាំមិនបានព្រោះអ្នកទាំងនោះ ពុំបានស្នើសហការសុំក្រុមហ៊ុនដើម្បីកាយទំនប់បើកទឹកអូរព្រំដែននោះឡើយ។ ត្បិតទំនប់និងផ្លូវនោះ ក្រុមហ៊ុនជាអ្នកទប់ដើម្បីបញ្ចល់ទឹករដូវវស្សាបញ្ចូលអាងទឹកអូខៃដនផងនិងរក្សាទឹកបម្រុងទុកបម្រុងបន្ថែមដើម្បីផលិតទឺកស្អាតផ្គត់ផ្គងពលរដ្ឋជាង៧មឺុននាក់នៅក្រុងប៉ោយប៉ែតផង។
លោកខាត់ ធា មន្ត្រីសាខាក្រុងប៉ោយប៉ែតត្រូវលោកអភិបាលក្រុងចុះទៅសម្របសម្រួលរឿងប្រទូស្តរ៉ាយនេះ។តែលោកនិយាយការពារខ្លួនថា លោកមកជាលក្ខណ:គ្រួសារ ពុំមែនមកជាមន្ត្រីអាជ្ញាធរទេព្រោះចំណុចកើតទំនាស់ស្ថិតក្នុងភូមិសាស្ត្រភូមិសន្តិភាពស្រុកម៉ាឡៃ តែពលរដ្ឋត្រូវគ្រប់គ្រងដោយអាជ្ញាធរក្រុងប៉ោយប៉ែត។
ភាគីបានតឹងសសៃ-ក ហើយគម្រាមគ្នាទៅវិញទៅមក។ខាងភាគីកសិករបានរិះគន់ម្តងម្តងទៀតដល់ក្រុមហ៊ុនអានកូថា មានបំណងធ្វើអោយកសិករជួបបញ្ហារឿងទឹករៀងរហូតដូចជារដូវវស្សាត្រូវទឹកជន់លិច ឯរដូវប្រាំងធ្វើអោយអត់ទឹក។បច្ច័យអាក្រក់ដូច្នេះ នាំអោយកសិករអស់សង្ឃឹមលើការធ្វើស្រែ ហើយបង្ខំចិត្តលក់ដីស្រែតម្លៃថោកៗទៅអ្នករត់ការអោយក្រុមហ៊ុន។
ភាគីទាំង២ ទំនងជាឯកភាពគ្នាងោយបង្ហូរទឹកអោយល្មមគ្រប់គ្រាន់ដើម្បូីសង្គ្រោះស្រូវនិងដំណាំ តែត្រូវកំណត់រយ:ពេលថា២ឬ៣ថ្ងៃ យប់ដែរដើម្បីកុំអោយប្រើទឹកខ្ជះខ្ជាយនិងអស់ទឹកពីអូរព្រំដែនដែលជាទឺកបម្រុងទុកនោះដែរ៕ដោយ:ឃិន គន្ធា
