ខ្សែប្រយុទ្ធក្លិបសេះបង្កង់ Juventus កីឡាករ Carlos Tevez គឺមិនមានឈ្មោះក្នុងបញ្ជីកីឡាករទាំង៣០នាក់ របស់ក្រុមជម្រើសជាតិអាហ្សង់ទីនសម្រាប់ការប្រកួតពានរង្វាន់ World Cup នៅប្រទេសប្រេស៊ីលនោះទេ ។
Tevez ស៊ុតបញ្ចូលទីបាន ១៩ គ្រាប់ក្នុងក្របខណ្ឌ Serie A នៅរដូវកាលនេះ ប៉ុន្តែខ្សែប្រយុទ្ធរបស់ក្រុម Werder Bremen គឺកីឡាករ ហ្វ្រាន់កូ ឌី សាន់តូ (Franco di Santo) គឺត្រូវបានគ្រូបង្វឹក អាឡេសាន់ត្រូ សាបេឡា (Alejandro Sabella) ជ្រើសរើសជំនួសវិញ ។
ស្របពេលជាមួយគ្នានោះ កីឡាករ សឺជីអូ អាគ្វេរ៉ូ (Sergio Aguero) របស់ក្រុម Manchester City និង លីអូនែល ម៉េស៊ី (Lionel Messi) របស់ Barcelona រួមទាំង ហ្គនហ្សាឡូ ហ៊ីគ្វេន (Gonzalo Higuain) របស់ Napoli គឺមានឈ្មោះជាខ្សែប្រយុទ្ធជួរមុខរួចជាស្រេច ។
ចំណែកឯមិត្តរួមក្រុមរបស់ អាគ្វេរ៉ូ (Aguero) គឺកីឡាករ ប៉ាប្លូ ហ្សាបាឡេតា (Pablo Zabaleta) និង ម៉ាទីន ដេមីឆេលីស (Martin Demichelis) ត្រូវបានកោះហៅឲ្យលេងនៅតួនាទីខ្សែការពារខណៈដែល អ៊ែនជែល ឌីម៉ារៀរ (Angel di Maria) និង ហ្សាវា ម៉ាសេរ៉ាណូ (Javier Mascherano) លេងនៅតួនាទីខ្សែបម្រើ ៕
