សៀមរាប = បុរសម្នាក់បានស្លាប់ភ្លាមៗនៅក្នុងហេតុការណ៍គ្រោះថ្នាក់ចរាចរណ៍មួយបង្កឡើងដោយរថយន្ដយីឌុបម៉ាHINO បុកនិងលុចស៊ីសRX330 ធ្វើអោយបុរសម្នាក់របួសស្រាលនិងម្នាក់ទៀតស្លាប់ភ្លាមៗនៅនិងកន្លែងកើតហេតុ ហេតុការណ៍ដ៏រន្ធត់នេះបានកើតឡើងកាលពី
វេលាម៉ោង៣រសៀលនិង១០នាទីថ្ងៃទី១ខែមិនា ឆ្នាំ២០១៦ត្រង់ចំណុចខាងកើតផ្សាសសរស្ដម ឃុំពួក ស្រុកពួក ខេត្តសៀមរាប។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្តយីឌុបពណ៍សរឆ្នូត ពាក់ផ្លាកលេខ ព្រះសីហនុ 3A 0641 បើកបរបញ្ច្រាសទិសគ្នា ពីកើតទៅលិច មកដល់ចំនុចកើតហេតុក៏បុកគ្នាជាមួយរថយន្ដលុចស៊ីស ពណ៍ទឹកប្រាក់ ពាក់ផ្លាកលេខ ភ្នំពេញ 2AG 3312 លឺសំលេងប្រាវលានលឺដូចរន្ទះធ្វើអោយផ្ញាក់ផ្អើរដល់ប្រជាពរដ្នក៏នាំគ្នាមកមើលឃើញបុរសរងគ្រោះដេកដួលស្លាប់នៅលើថ្នល់ជាតិលេខ ០៦និងម្នាក់ទៀតរបួសស្រាល។
តាមប្រភពបន្ថែមថាជនរងគ្រោះដែលស្លាប់បាត់បង់ជីវិតមានឈ្មោះណត ណែន អាយុ២៧ឆ្នាំនៅភូមិពងទឹក ឃុំក្រាំងតាយ៉ង ស្រុកពាមជ ខេត្តព្រៃវែង ស្លាប់ រួមដំណើរ ឈ្មោះលាង ថន អាយុ ៦៧ឆ្នាំ រស់នៅរាជធានីភ្នំពេញ រងរបួសស្រាល ដោយឡែកអ្នកបើកបររថយន្តHINOបង្កត្រូវបានចុះពីរថយន្ដរត់គេចខ្លួនបាត់ស្រម៉ោល
វីរសេនីយ៍ត្រី ទេព ពុំសែន ប្រាប់ថាមូលហេតុបណ្ដាលមកពីរថយន្ដយីឌុបឡើងវ៉ាទើបបានគ្រោះថ្នាកចរាចរណ៍បែបនេះបន្ទាប់ពីកើតហេតុសមត្ថកិច្ចបានចុះមកធ្វើការវាស់វែងរួចបញ្ចូនសាកសពជនរងគ្រោះអោយក្រុមគ្រួសារ យកទៅធ្វើបុណ្យតាមប្រពៃណី អ្នករងរបួសបញ្ចូនទៅសង្គ្រោះនៅមន្ទីរពេទ្យចំណែករថយន្ដទាំង២ ត្រូវបានសមត្ថកិច្ចយករក្សាទុកនៅអធិការដ្ឋាននគរបាលស្រុកពួក ហើយសមត្ថកិច្ចកំពុងតែកសាងសំនុំរឿង និងតាមចាប់ជនបង្កដើម្បីអោយចូលខ្លួន មកដោះស្រាយតាមច្បាប់ ។
ប៊ុន រិទ្ធី
