កំពង់ធំ =លោកយាយ ផាន់ អាយុ១០១ឆ្នាំម្នាក់ បានរស់នៅជាមួយកូនស្រីបង្កើត២នាក់សុទ្ធតែចាស់ជរាទាំងអស់ កូនទី១ ឈ្មោះយាយ ផៃ អាយុ៧៣ឆ្នាំ កូនទី២ ឈ្មោះយាយ ផា អាយុ៧០ឆ្នាំ ទាំង៣នាក់ម៉ែកូន រស់នៅភូមិ ត្រាំង ឃុំសុចិត្រ ស្រុកសណ្ដាន ខេត្តកំពង់ធំ។
យាយ ផៃ និងយាយផា ជាស្ដ្រីម៉េម៉ាយតាំងតែពីក្មេង រហូតដល់វ័យចំណាស់ រស់នៅតែជាមួយម្ដាយរហូតមកសព្វថ្ងៃមានវ័យចំណាស់រាងខ្លួន កំពុងតែទទូចសុំអោយសប្បុរសធម៍ជិតឆ្ងាយ ទាំងក្នុងប្រទេសនិងក្រៅប្រទេស ជាពិសេសអាជ្ញាធ័រខេត្តកំពង់ធំបានជួយដល់ពួកគាត់ដោយសារតែពួកគាត់ពួកគាត់ពុំមានកំលាំងធ្វើការរស់លុយចិញ្ចឹមជីវិតដូចកាលពីមុន ហើយកំពុងមានជំងឺប្រចាំកាយធ្វើអោយពួកគាត់ខ្វះខាត់យ៉ាងខ្លាំងក្នុងជីវភាពរស់នៅប្រចាំថ្ងៃ។
សព្វថ្ងៃ យាយទាំង២នាក់បងប្អូនមានមុខរបរស៊ីឈ្នួលដក់ដំឡូងអោយគេ ក្នុង១ថ្ងៃរកលុយបាន១ម៉ឺនរៀលសំរាប់ចិញ្ចឹមម្ដាយចាស់ ជួនថ្ងៃខ្លះឈឺ រកលុយតែ៦០០០រៀល ត្រូវការទិញថ្នាំលេបផងនោះធ្វើអោយពួកគាត់ជួបប្រទះនិងជីវភាពខ្វះព្រឹកខ្វះល្ងាច ៕ប៊ុន រិទ្ធី
