កំពង់ធំ =រយះពេលពេញមួយថ្ងៃទី៦ខែមិនាឆ្នាំ២០១៦នេះ ក្រុមការងារចុះជួយឃុំបន្ទាយស្ទោងស្រុកស្ទោង ខេត្តកំពង់ធំ បានសហការជាមួយគណបក្សឃុំសាខាបក្សភូមិដើម្បីដំណើរការបោះឆ្នោតជ្រើសរើសតំណាងយុវជនឆ្នើមថ្នាក់ភូមិ និងថ្នាក់ឃុំប្រកបដោយប្រជាធិបតេយ្យ 
ស្របតាមការណែនាំរបស់ថ្នាក់ដឹកនាំថ្នាក់កណ្តាលចុះជួយខេត្តកំពង់ធំដែលបានធ្វើឡើងនៅក្នុងបរិវេណវត្តបន្ទាយស្ទោង។
បន្ទាប់ពីការបែងចែកក្រុមការងារចុះអនុវត្តន៏នៅថ្នាក់ភូមិទាំង១៥ភូមិពេញមួយព្រឹក. និងនៅពេលរសៀល តាមសំណូមពរ ឯកឧត្តម សោម ស៊ុន សមាជិកអចិន្ត្រៃគណបក្សខេត្ត និងឯកឧត្តម សុខ លូ អនុប្រធានប្រចាំការគណបក្សខេត្ត និងជាប្រធានក្រុមការងារយុវជនខេត្ត បានអញ្ជើញជាអធិបតីក្នុងការបោះឆ្នោតនៅថ្នាក់ឃុំដែលមានយុវជនឆ្នើមចំនួយ២៩នាក់បានឈរឈ្មោះបោះឆ្នោត ដែលអញ្ជើញមកពីសាខាបក្សភូមិនិងឃុំ បានឡើងឧទ្ទេសនាមជាបេក្ខជនឈរឈ្មោះសម្រាប់បោះឆ្នោតថ្នាក់ដឹកនាំយុវជនឃុំ ក្នុងនោះមានចំនួន៨នាក់បានជាប់ឆ្នោត ។
ឯកឧត្តម សោម ស៊ុនក៏បានថ្លែងអំណរគុណដល់ លោកឈុន ប៊ុនធឿន អនុប្រធានក្រុមការងារ និងសហការីខ្ញុំទាំងអស់ ព្រមទាំងថ្នាក់ដឹកនាំគណបក្ស ឃុំ និង ភូមិ ពិសេសក្មួយៗយុវជនដែលបានចូលរួមយ៉ាងសកម្មក្នុងការងារនេះនិងសូមថ្លែងអំណរគុណចំពោះឯកឧត្តម សុខ លូ ដែលបានលះបង់កម្លាំងកាយ ចិត្ត និងប្រាជ្ញា ជួយកិច្ចការនេះដោយស្មោះនិងអស់ពីចិត្តពីថ្លើម រហូតដល់ក្រុមការងារយើងខ្ញុំសម្រេចភារកិច្ចដែលបក្សប្រគល់ជូន។
ឯកឧត្តម សុខ លូបានមានប្រសាសន៍ថាខ្ញុំរីករាយក្នុងការចូលរួមការបោះឆ្នោតជ្រើសរើសសកម្មជនគណបក្សប្រជាជនកម្ពុជានៅឃុំបន្ទាយស្ទោង ក្នុងស្រុកស្ទោងខេត្តកំពង់ធំនិង សូមអរគុណឯកឧត្តមសោមស៊ុននិងសហការីព្រមទាំងបងប្អូនទាំងអស់ដែលបានខិតខំបព្ចាប់ការបោះឆ្នោតជ្រើសរើសសកម្មជនយុវជនគណបក្សភូមិទាំង១៥ភូមិនាពេលព្រឹក និងបានរៀបចំការបោះឆ្នោតរើសសកម្មជនយុវជនគណបក្សឃុំនាពេលរសៀលបានយ៉ាងល្អនិងចប់សព្វគ្រប់មុនគេនៅក្នុងខេត្តកំពង់ធំ ក្នុងឪកាសនោះឯកឧត្តម សុខ លូក៏បានពាំនាំយក ថវិការចំនួន៤០ម៉ឺនរៀល ទឹកក្រូច ៣កេះទឹកផ្លែឈើ២កេះទឹកសុទ្ធvital៥កេះ ប្រគេនដល់ព្រះសង្ឃដែលគង់នៅវត្តបន្ទាយស្ទោងផងដែរ៕ប៊ុន រិទ្ធី
