( រូបភាពវីដេអូ ) ក្លិបបិសាចក្រហម Manchester United បានប្រកាសថា ក្លិបបានជ្រើសតាំងលោក Louis van Gaal ជាអ្នកចាត់ការថ្មី ។ បុរសវ័យ៦២ឆ្នាំរូបនេះនឹងចុះកិច្ចសន្យារយៈពេល៣ឆ្នាំហើយនឹងដឹកនាំក្រុមបិសាចក្រហមនៅពេលដែលលោកបញ្ចប់ការដឹកនាំក្រុមពណ៌ទឹកក្រូចហូឡង់ក្រោយពេលការប្រកួត World Cup ។ ទន្ទឹមជាមួយគ្នានោះ Ryan Giggs ក៏ត្រូវបានតែងតាំងធ្វើជាជំនួយការរបស់លោក Van Gaal ផងដែរ ក្រោយពេលរូបគេបានប្រកាសថា គេបានសម្រេចចិត្តចូលនិវត្តន៍ពីអាជីពបាល់ទាត់ ។
លោក Van Gaal បានគេហទំព័ររបស់ក្លិបថា “ខ្ញុំតែងតែមានបំណងចង់មកដឹកនាំក្នុងក្របខណ្ឌ Premier League ហើយការមកដឹកនាំ Manchester United នេះគឺជាមោទនភាពដ៏ធំបំផុតសម្រាប់ខ្ញុំ” ។ គួរបញ្ជាក់ថា លោក Van Gaal ធ្លាប់បានដឹកនាំក្រុមជាច្រើនទទួលបានពានដោយក្នុងនោះលោកក៏ធ្លាប់ដឹកនាំ ក្លិបជាច្រើនផងដែរដូចជា Ajax, Barcelona និង Bayern Munich ជាដើម ៕
