( រូបភាពវីដេអូ) គ្រូបង្វឹកក្រុមសាំបាអឺរ៉ុបព័រទុយហ្គាល់លោក Paulo Bento បានប្រកាសឈ្មោះកីឡាករទាំង២៣នាក់សម្រាប់ការប្រកួត World Cup នៅប្រទេសប្រេស៊ីលនៅរដូវក្តៅនេះ ។ ប្រធានក្រុម Cristiano Ronaldo នឹងត្រូវដឹកនាំព័រទុយហ្គាល់សម្រាប់ tournament នេះ ហើយរូបគេគឺជាកីឡាករម្នាក់ក្នុងចំណោមកីឡាករ៣នាក់របស់ក្រុម Real Madrid ដែលមានឈ្មោះត្រូវទៅលេងនៅប្រេស៊ីល ក្នុងនោះមានកីឡាករ Pepe និងហ្វាប៊ីយ៉ូ ខុនត្រាវ (Fabio Coentrao) ។
គួរបញ្ជាក់ថា មានកីឡាករតែ៨នាក់ប៉ុណ្ណោះក្នុងជម្រើសជាតិព័រទុយហ្គាល់ដែលជាកីឡាករលេងក្នុងស្រុក ខណៈដែលកីឡាករផ្សេងទៀតគឺលេងក្នុងលីករបស់ប្រទេសអង់គ្លេស ទួរគី រុស្ស៊ី អ៊ុយក្រែន បារាំង អាល្លឺម៉ង់ និងអ៊ីតាលី ។ កីឡាករទាំង២៣នាក់របស់ព័រទុយហ្គាល់មានដូចជាៈ
អ្នកចាំទី បេតូ, អេឌូអាដូ និង ផាទ្រីកស៊ីអូ ខ្សែការពារ អង់ត្រេ អាល់មេដា,ព្រូណូ អាល់វ៉េស, ហ្វាប៊ីយ៉ូ ខុនត្រាវ, ព័ររ៉េរ៉ា , ណេតូ, ប៉េប៉េ និង រីកាដូ កូស្តា ។ ខ្សែបម្រើ ម៉ូទីញ៉ូ, មីហ្គែល វ៉េឡូសូ, រ៉ាអ៊ូល មីរ៉ាឡេស, រូបេន អាម៉ូរីម, វីលៀម ខាវ៉ាលហូ និង រ៉ាហ្វា ខ្សែប្រយុទ្ធ គ្រីស្ទីណូ រ៉ូណាល់ដូ, អេឌ័រ, ហេលឌ័រ ប៉ូស្ទីហ្គា, ហ៊ូហ្គូ អាល់មេដា,ណានី, វ៉ារ៉េឡា និង វ៉េរីញ៉ា
