( រូបភាពវីដេអូ) ពេលចប់កិច្ចសន្យានៅរដូវក្តៅនេះ ក្លិបអ្នកមានបុណ្យ Barcelona បានប្រកាសថា អ្នកចាំទី Jose Manuel Pinto (ចូសេ ម៉ាញូអេល ពីនតូ) នឹងចាកចេញពីក្លិបពេលដែលកិច្ចសន្យារបស់គេផុតកំណត់នៅរដូវក្តៅនេះ ។ Pinto បានចូលចាំទីឲ្យក្លិបអ្នកមានបុណ្យក្រោយពេលចាកចេញពីក្លិប Celta Vigo ក្នុងឆ្នាំ ២០០៨ ប៉ុន្តែរូបគេមិនសូវជាបានចូលចាំទីញឹកញាប់ទេនៅទឹកដី Camp Nou ពោលគឺស្ថិតក្នុងជម្រើសទី២ នៅពីក្រោយ អ្នកចាំទី Victor Valdes ។
ស្របពេលជាមួយគ្នានោះ ក្លិប Barcelona ក៏បានប្រកាសថា ក្លិបបានឈានដល់កិច្ចព្រមព្រៀងទិញយក អ្នកចាំទី Marc-Andre ter Stegen (ម៉ាក អានដ្រេ ធើ ស្ថេហ្គេន) ពីក្លិប Borussia Monchengladbach ព្រមទាំងជ្រើសតាំងលោក Luis Enrique (ល្វីស អេនរីកេ) ជាគ្រូបង្វឹកថ្មីផងដែរ ។
គួរបញ្ជាក់ថា ក្នុងរយៈពេល៦ឆ្នាំមកនេះ អ្នកចាំទី Pinto ធ្លាប់បានជួយ Barcelona ឲ្យឈ្នះជើងឯកចំនួន ៤លើក ដោយក្នុងនោះ Champions Leagues ២ លើកនិង Copa del Reys ចំនួន២លើក ៕
