ខេត្តព្រះវិហារ នៅព្រឹកថ្ងៃទី ២០ ខែឧសភា ឆ្នាំ ២០១៤ កាលពីម្សិលមិញនេះ នៅសាលាស្រុកឆែប បានរៀបចំបើកវគ្គបណ្តុះបណ្តាល ច្បាប់គោលនយោបាយពាក់ព័ន្ធនិង វិស័យដីធ្លី ក្រោមអធិបតិភាពលោក សំ សារឿន អនុប្រធានមន្ទីររៀបចំដែនដី នគររូបនីយកម្ម សំណង់ និង សូរិយោដីខេត្តព្រះវិហារ ។
ដោយមានកាអញ្ចឹញចូលរួម ពីសំណាក់លោក អ៊ុង វុទ្ធីអភិបាលស្រុកឆែប មេភូមិ មេឃុំ និង ប្រធាន សហគមន៍ក្រុមប្រឹក្សាស្រុក ព្រមទាំងប្រជាពលរដ្ឋ សរុបវត្តមានចូលរួមចំនួន៦៤នាក់ ។ លោក សំ សារឿន អនុប្រធានមន្ទីរនគររូបនីយកម្មសំណង់ និង សូរិយោដី ជាគ្រួបង្គោលបានរៀបចំកម្មវិធីនេះ ដោយក្រសួងរៀបចំដែនដី នគររូបនីយកម្ម និង មន្ទីររៀបចំដែនដី នគរូបនីយកម្ម សំណង់ និង សូរិយោដី បានធ្វើការបង្រៀនដល់មេភូមិ មេឃុំ និង ប្រធាន សហគមន៍ ក្រុមប្រឹក្សាស្រុក ព្រមទាំងប្រជាពលរដ្ឋ ចាប់ពីថ្ងៃទី ២០ ដល់ ថ្ងៃទី ២២ ខែឧសភាឆ្នាំ ២០១៤ ។
កម្មវិធីនេះមានគ្រូឧទេសនាមថ្នាក់ខេត្ត និង ថ្នាក់ស្រុក ហើយការបង្រៀន បានដកស្រង់ចេញពីច្បាប់ភូមិបាល និង សារាចរណ៍នែនាំរបស់រាជរដ្ឋាភិបាល បញ្ជាបន្ទាន់ត្រូវអនុវត្តន៍ច្បាប់ដល់មន្ត្រីថ្នាក់ក្រោមជាតិ និងពង្រឹងយន្តការណ៍ ក្នុងការគ្រប់គ្រងដីរដ្ឋ ដីសម្បទានសេដ្ឋកិច្ចសង្គមកិច្ច របស់រាជរដ្ឋាភិបាល ដើម្បីឱ្យអាជ្ញាធរ៌មូលដ្ឋានអនុវត្តន៍ច្បាប់ ត្រូវតែស្វែងយល់ឱ្យបានស៊ីជំរៅថែមទៀត ។
ហើយរហាមឃាត់ប្រជាពលរដ្ឋបញ្ឈប់ជាបន្ទាន់ ក្នុងការកាប់ទន្ទ្រានដីព្រៃរបស់រដ្ឋធ្វើជាកម្មសិទ្ធផ្ទាល់ខ្លូនដោយខុសច្បាប់ ។ លោកអនុប្រធានមន្ទីរបានផ្តាំផ្ញើរ ពេលបញ្ចប់វគ្គបណ្តុះបណ្តាល ចំនូន ៣ថ្ងៃនេះមេភូមិ មេឃុំ យកចំនេះដឹងទាំងនេះទៅបង្រៀនដល់ប្រជាពលរដ្ឋ បន្ថែមទៀត ដើម្បីឱ្យយល់ដឹងអំពីច្បាប់ភូមិបាល ។
