( រូបភាពវីដេអូ ) គ្រូបង្វឹកក្រុមគោជល់អេស្ប៉ាញលោក Vicente del Bosque (វីសេនតេ ដេល ប៊ូស្កេ) បាន និយាយថា សាំបាប្រេស៊ីលជាប្រទេសដែលនឹងអាចឈ្នះពាន World Cup នៅរដូវក្តៅនេះ ។ លោក Del Bosque នឹងដឹកនាំក្រុមរបស់លោកសម្រាប់ tournament នេះពោរពេញទៅដោយទំនុកចិត្តបន្ទាប់ពីអេស្ប៉ាញបានឈ្នះជើងឯក World Cup កាលពីឆ្នាំ ២០១០ និងពានរង្វាន់ ទ្វីបអឺរ៉ុបផងដែរ ។ ប៉ុន្តែទោះបីយ៉ាងណាក្តី គ្រូបង្វឹកដែលពោរពេញទៅដោយបទពិសោធន៍រូបនេះបានអះអាងថា ម្ចាស់ផ្ទះប្រេស៊ីលគឺជាក្រុមដែលមានមហិច្ចតាជាងគេក្នុងការលើកពានរង្វាន់បាល់ទាត់ពិភពលោកនៅឆ្នាំនេះ ។
លោក Del Bosque បាននិយាយប្រាប់សារព័ត៌មានរបស់អេស្ប៉ាញថា “ប្រេស៊ីលជាប្រទេស ដែលស្ថិតនៅលំដាប់លើគេដែលត្រូវបានគេគិតថានឹងអាចឈ្នះជើងឯក World Cup ពួកគេជាក្រុម ដ៏អស្ចារ្យប៉ុន្តែទោះបីជាយ៉ាងណាក៏ដោយវាមិនមែនជារឿងងាយស្រួលនោះ” ។ គួរបញ្ជាក់ជាថ្មីថា ការប្រកួត tournament ដ៏ធំមួយនេះនឹងត្រូវធ្វើឡើងនៅខែក្រោយ ៕
