ក្លិបអ្នកមានថ្មីរបស់បារាំង AS Monaco ត្រូវបានគេមើលឃើញថា កំពុងបង្ហាញពីចំណាប់អារម្មណ៍ចង់បានខ្សែប្រយុទ្ធ Emmanuel Adebayor (អេម៉ាញូអែល អាដេបាយយើ) របស់ក្លិបមាន់ខ្នាយមាស Tottenham Hotspur ។
កីឡាករវ័យ៣០ឆ្នាំរូបនេះក៏ធ្លាប់លេងឲ្យ Monaco ផងដែរហើយស៊ុតបញ្ចូលទីបាន១៨គ្រាប់ឲ្យក្លិបបារាំង មួយនេះ មុនពេលផ្លាស់មកកាំភ្លើងធំ Arsenal ក្នុងឆ្នាំ ២០០៦ ។
យោងតាមគេហទំព័រ The Mirror បានលើកឡើងថា Monaco កំពុងតែស្វែងរកខ្សែប្រយុទ្ធថ្មីម្នាក់ដើម្បី មកជំនួសតំណែងរបស់កីឡាករ Radamel Falcao (រ៉ាម៉ាដេល ហ្វាល់ខាវ) ដែលបច្ចុប្បន្នកំពុងមានបញ្ហារបួស ហើយអាចនឹងចាកចេញពីទឹកដី Stade Louis II ។
គួរបញ្ជាក់ថា Adebayor នៅសល់កិច្ចសន្យារយៈពេល២ឆ្នាំទៀតជាមួយ Spurs ៕
