ក្លិបកាំភ្លើងធំ Arsenal ជិតទិញបានកីឡាករ Karim Benzema ពីអធិរាជស Real Madrid ហើយស្របពេល ដែលក្លិបយក្សអេស្ប៉ាញមួយនេះបាននិយាយថា ពួកគេនឹងដាក់លក់ខ្សែប្រយុទ្ធសញ្ជាតិបារាំងរូបនេះនៅពេលទីផ្សារដោះដូរកីឡាករបើកទ្វា ។
យោងតាមគេហទំព័រ Daily Star បានចុះផ្សាយថា គ្រូបង្វឹកក្លិបកាំភ្លើងធំលោក Arsene Wenger បាននិយាយ អំឡុងពេលការប្រកួត Champions League វគ្គផ្តាច់ព្រ័ត្រកាលពីថ្ងៃសៅរ៍ថា នេះអាចជាការប្រកួតចុងក្រោយរបស់ Benzema ឲ្យអធិរាជស Real Madrid ។
សេចក្តីរាយការណ៍ដដែលបានបន្តទៀតថា លោក Arsene Wenger បានអះអាងដោយជំនឿចិត្តថា Benzema នឹងផ្លាស់មកលេងនៅក្របខណ្ឌ Premier League ហើយលោកនឹងខំប្រឹងនាំយករូបគេឲ្យទាល់តែបាន ។
គួរបញ្ជាក់ថា នៅរដូវកាលនេះ Benzema ស៊ុតឲ្យ Real Madrid បានចំនួន២៤គ្រាប់ ៕
