ក្លិបតោខៀវ Chelsea ត្រូវបានគេមើលឃើញថា កំពុងតែរៀបចំសំណើរដើម្បីដាក់ដេញថ្លៃទិញយកខ្សែប្រយុទ្ធ របស់ក្លិបមហាសេដ្ឋី Paris Saint-Germain គឺកីឡាករ Ezequiel Lavezzi (អ៊ីហ្សេឃ្វៀល ឡាវ៉េហ្ស៊ី) ។
យោងតាមគេហទំព័រ The Telegraph បានចុះផ្សាយថា ក្រុមតោខៀវបានបង្ហាញចំណាប់អារម្មណ៍លើការ នាំយកកីឡាករអន្តរជាតិអាហ្សង់ទីនរូបនេះមកកាន់ទឹកដី Stamford Bridge បន្ទាប់ពីក្លិបបានយល់ព្រមលក់ខ្សែការពារ David Luiz ទៅឲ្យ PSG រួចមក ។
ជាមួយគ្នានោះ ប្រភពព័ត៌មានដដែលបានលើកឡើងទៀតថា គ្រូបង្វឹក Jose Mourinho ក៏កំពុងមានជំនឿចិត្ត ថាក្លិបនឹងអាចនាំយកខ្សែប្រយុទ្ធ Diego Costa របស់ក្លិប Atletico Madrid បានផងដែរដើម្បីពង្រឹងប្រព័ន្ធប្រយុទ្ធ របស់ក្លិបនៅរដូវកាលក្រោយ ។
គួរបញ្ជាក់ថា Lavezzi ស៊ុតបាន១២គ្រាប់ឲ្យ PSG កាលពីរដូវកាលមុនហើយរូបគេក៏បានជួយក្លិបឲ្យឈ្នះ ជើងឯកក្របខណ្ឌបារាំង Ligue 1 ផងដែរ ៕
