ក្លិបមាន់ខ្នាយមាស Tottenham Hotspur បានប្រកាសថា ក្លិបបានតែងតាំងលោក Mauricio Pochettino (ម៉ូរីស៊ីអូ ប៉ូឆេទីណូ) ជាអ្នកចាត់ការថ្មី ។
បុរសសញ្ជាតិអាហ្សង់ទីនវ័យ៤២ឆ្នាំរូបនេះបានព្រមព្រៀងចុះកិច្ចសន្យាដឹកនាំ Spurs រយៈពេល៥ឆ្នាំ ជំនួសតំណែង លោក Tim Sherwood
បន្ទាប់ពីរូបគាត់ចាកចេញពីក្រុម Southampton ។
លោក Pochettino ប្រាប់គេហទំព័ររបស់ក្លិបថា “ខ្ញុំពិតជាមានមោទនភាពណាស់ដែលត្រូវបានក្រុម Spurs ផ្តល់ឱកាសនិងផ្តល់ទំនុកចិត្តលើខ្ញុំឲ្យដឹកនាំក្រុមមួយនេះ” ។
លោកបានបន្តទៀតថា “Spurs ជាក្លិបមួយដែលមានឈ្មោះល្បីល្បាញនៅលើពិភពលោកហើយជាក្លិបដែល សម្បូរទៅដោយកីឡាករល្អ ខ្ញុំសន្យាថានឹងដឹកនាំក្រុមមួយនេះឲ្យទទួលជោគជ័យហើយខ្ញុំនឹងប្រឹងប្រែងឲ្យអស់ពី លទ្ធភាព” ។
គួរបញ្ជាក់ថា កាលពីរដូវកាលមុនលោក Pochettino បានដឹកនាំក្រុម Southampton ស្ថិតនៅលំដាប់ទី៨ ក្នុងតារាង Premier League ៕
