សៀមរាប៖បុរសជនជាតិអាមេរិកកាំងម្នាក់ដេកស្លាប់នៅសណ្ឋាគារ Siem Resp Hostel ក្នុងបន្ទប់ លេខ៣០៩ ដោយមិនទាន់ដឹងពីមូលហេតុ បង្កឱ្យមានការភ្ញាក់ផ្អើល ពេញក្រុងសៀមរាប ខណៈពេលនោះត្រូវបានម្ចាស់សណ្ឋាគារ និងសមត្ថកិច្ចជំនាញ កំពុងបិទបាំងព័ត៌មាន មិន
ចង់ឱ្យលេចឭ ទៅដល់ខាងក្រៅ ដើម្បីកុំឱ្យភ្ញៀវជាតិ អន្តរជាតិ ដឹង នាំឱ្យអត់ភ្ញៀវចូលសណ្ឋាគាររបស់គាត់ ប៉ុន្តែទោះជាយ៉ាងណាក៏ដោយ ក៏បិតបាំងមិនជិតដែរ ហេតុការនេះបង្កឱ្យមានការភ្ញាក់ផ្អើលនោះបានកើតឡើងនៅព្រឹកថ្ងៃទី៣០ ខែមករា ឆ្នាំ២០១៧ ស្ថិតនៅភូមិវត្តដំណាក់ សង្កាត់សាលាកំរើកក្រុង/ខេត្តសៀមរាប។
លោកវរសេនីយ៍ទោ វ៉ាន់ រិទ្ធ នាយការិយាល័យនគរបាលអន្តោប្រវេសន៍បានឲ្យដឹងថា ជនរងគ្រោះមានឈ្មោះ BLACK GRAHAM WESTON ភេទប្រុស អាយុ ២៨ឆ្នាំ ជនជាតិអាមេរិកកាំង កាន់លិខិតឆ្លងដែនលេខ 474395387 ជាភ្ញៀវទេសចរណ៍ចូលមកស្នាក់នៅសណ្ឋាគារ Siem Reap Hostel នៅថ្ងៃទី២៨ ខែមករា ឆ្នាំ២០១៧។លោក បានបញ្ជាក់ថា ក្រោយពីទទួលបានពត៌មានភ្លាមកម្លាំងសមត្ថកិច្ចនគរបាលជំនាញ និងសមត្ថកិច្ចពាក់ព័ន្ធបានចុះទៅដល់កន្លែងកើតហេតុដើម្បីធ្វើការពិនិត្យ និងធ្វើកោសល្យវិច្ច័យទៅលើកសាកសព ឃើញថា ជនរងគ្រោះមានឈាមហូរចេញតាមច្រមុះ ក្នុងករណីនេះទាំងលោកគ្រូពេទ្យ និងសមត្ថកិច្ចជំនាញមិនទាន់អាចបញ្ជាក់ពីមូលហេតុនៃការស្លាប់របស់ជនរងគ្រោះនៅឡើយទេ។
តាមប្រភពពីសមត្ថកិច្ចលួចខ្សិបប្រាប់អ្នកព័ត៌មានចេញពីក្នុងសណ្ឋាគារថា ជនរងគ្រោះស្លាប់នៅក្នុងបន្ទប់សណ្ឋាគារនោះ គឺមិនទាន់ដឹងពីមូលហេតុទេ ដោយសារមានក្រុមសមត្ថកិច្ចបច្ចេកទេសជំនាញ និងម្ចាស់សណ្ឋាគារ និងអ្នកផ្សេងម្នាក់ទៀត ចង់បានលុយទឹកតែ ដើម្បីបំបាត់ភ័ស្តតាង ពីក្រុមអ្នកយកព័ត៌មាន ទើបដឹកចេញ យកទៅភ្នំពេញបាត់ ថែមទាំងមិនបានឱ្យគ្រួពេទ្យជំនាញ យកទឹកកាមទៅពិនិត្យផង ដើម្បីរកឱ្យឃើញពីជម្ងឺ ឬ មានអ្វីគួរឱ្យកត់សម្គាល់ ទៅលើដងខ្លួននៃសាកសពនោះ៕ប៊ុន រិទ្ធី
