កំពង់ធំ = ប្រជាពលរដ្នបានរឹះគន់អ្នកដើរយកលុយនៅបេនឡានផ្សារកំពង់ថ្មដែលត្រូវបានគេរៀបចុះអោយអាជីវករលក់បន្លែបង្កា ត្រីសាច់ ជាដើម ហើយបេនឡានទៅដាក់នៅចិញ្ចើមថ្នល់និងទាថ្លៃកន្លែងលក់ថ្លៃកប់ពពក ក្នុង១កន្លែង ១០០០០រៀល ទៅ២០០០០រៀល ក្នុង១ថ្ងៃ ទោះ
មកលក់ក៏យក មិនមកលក់ក៏យក លោកណាក លោក វី អ្នកដើរយកលុយ ត្រូវជាកូនចៅ របស់ លោក ឃឹម ជាម៉ៅការបន្ដពីលោក ទង់គឹមឡាជាម្ចាស់បេនឡាន កំពុងតែបណ្ដោយអោយ កូនចៅដើរទាលុយតាមតែចិត្តដោយមិនខ្លាចរអាពីសំណាញច្បាប់។
បងស្រី២នាក់និយាយដូចគ្នានៅក្នុងកិច្ចសម្ភាសថា ទង្វើរបស់អ្នក ទាលុយថ្លៃកន្លែងលក់ទាំងនេះកំពុងតែការគំរាមគំហែងពួកខ្ញុំថា ប្រសិនបើអ្នកណាហ៊ាននិយាយការពិតប្រាប់ការពិតដល់ អ្នកសារពត័មាន បើគេដឹងដឹង គេនិងបញ្ឈប់មិនអោយលក់ដូរ តទៅទៀតទេ បើអ្នកសារពត័មានសួរអោយឆ្លើយតែ៤០០០រៀលតែប៉ុណ្ណោះ តែការពិតគេយកចាប់ពី១០០០០រៀល ទៅ២០០០០រៀល ក្នុង១ថ្ងៃ ឯភាស៊ី វិញ១កន្លែង៥០០រៀល មិនតែប៉ុណ្ណោះពេលដែលរម៉ក ឬរថយន្ដដឹកបន្លែមកទំលាក់អោយម៉ូយក៏ត្រូវ បង់លុយដែរក្នុងមួយរម៉ក១៥០០រៀល ក្នុងមួយរថយន្ដ៣០០០រៀល បើមិននិយាយតាមគេទេគេនិង បញ្ឈប់មិនអោយលក់ទៀតទេ បើចង់លក់វិញត្រូវបង់១០០ដុល្លាសិនទើបអាចអោយលក់តទៅទៀត ក្នុង១ខែៗត្រូវចំណាយ៧៥ម៉ឺនរៀល ស្ទើរតែគ្មានលុយចិញ្ចឹមកូនមិនបាន។
យើងខ្ញុំសូមសំណូមពរសុំអោយឯក ឧត្តមសុខ លូ អភិបាលខេត្តកំពង់ធំ មេត្តាពិនិត្យមើលភាពមិនប្រក្រតីរបស់អ្នកទាលុយនៅផ្សារបេនឡានកំពង់ថ្ម ដែលស្ថិតនៅក្នុង ឃុំបល្ល័ង្គ ស្រុកបារាយណ៍ ខេត្តកំពង់ធំនេះផង និងម្យ៉ាងទៀត អាជ្ញាធរខេត្តកំពង់ធំសន្យារកកន្លែងលក់ដូរអោយប្រជាពលរដ្ននិងប្ដូរទីតាំងបេនឡាន ជាយូរណាស់មកហើយ តែអភិបាលមុនខេត្តហាក់ដូចជាអសមត្ថភាពក្នុងការដោះស្រាយរហូតមកដល់ពេលនេះបានធ្វើអោយពួកអ្នកដើរទាលុយ ទាតាមតែអំពើចិត្ត តាមតែមាត់របស់គេស្រែកមិនគិតថាប្រជាពលរដ្នពិបាកស្ទើរតែរត់ចោលស្រុកទៅហើយព្រោះអ្នកខ្លះជំពាក់លុយរដ្ន អង្គការ ធានាគា ស្ទើរគ្រប់គ្នា។
លោក ឃឹម អ្នកម៉ៅការបេនឡាន ត្រូវជាមេ លោកណាក់និងលោកវី បានប្រាប់ក្នុងកិច្ចសម្ភាសថា លោកបានយកត្រឹមតែ២៥០០រៀល ១កន្លែងក្នុង១ថ្ងៃ មិនបានអោយយករាប់ម៉ឺននោះទេ ត្រង់លោកណាក់និងលោកវី ទាលុយរាប់ម៉ឺនរៀលនោះ លោកមិនទទួលខុសត្រូវនោះទេ អ្នកណាយកអ្នកនោះទទួលខុសត្រូវ។
លោក ទង់ គឹមឡា ម្ចាស់បេនឡានកំពង់ថ្ម បានឆ្លើយបដិសេដក្នុងកិច្ចសម្ភាសថា លោកមិនបានបញ្ចាអោយយកលុយច្រើនបែបនេះទេ អោយយកត្រឹមតែ១ខែ ១៥០០០រៀល ២០០០០ម៉ឺនរៀល ឬ៣០០០០រៀលក្នុង១ខែ ទៅតាមកន្លែងតូចធំ តែប៉ុណ្ណោះ តែអ្នកខ្លះចង់បង់ថ្ងៃ គឺបង់តែ២៥០០រៀលទៅ៣០០០រៀល តែប៉ុណ្ណោះ មិនបានអោយយក ១ថ្ងៃ១០០០០រៀល ទៅ២០០០០រៀលទៅ២៥០០០រៀលនោះទេ ។
ឯក ឧត្តមសុខ លូ អភិបាលខេត្តកំពង់ធំ បានមានប្រសាសន៍ថា លោកនិងពិនិត្យមើលបញ្ហានេះ ។ប៊ុនរិទ្ធី
