កំពង់ធំ ៖ នៅក្នុងទីបញ្ជាការវរៈសេនាតូចលេខ១ ចំណុះឲ្យតំបន់ប្រតិបត្តិការសឹករងកំពង់ធំ ដែលជាតម្រូវការចាំបាច់ ក្នុងការអភិវឌ្ឍន៍ លេនដ្ឋាន របស់ទីបញ្ជាការនៃវរៈសេនាតូចលេខ ១ ដែលសង្កេតឃើញថា ពីមួយថ្ងៃទៅមួយថ្ងៃ តំបន់ប្រតិបត្តិការសឹករងកំពង់ធំ មានការរីចម្រើនដោយការខិតខំប្រឹងប្រែងរបស់ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹក កំពង់ធំ ។
ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករង កំពង់ធំ បានថ្លែងនៅក្នុងពិធី បញ្ជុះបឋមសិលា កសាងអាគា មេបញ្ជាការវរៈសេនាតូចលេខ ១ នៅថ្ងៃទី ១៧ ខែកុម្ភះ ឆ្នាំ ២០១៤ស្ថិតនៅ ក្នុងភូមិ តាឡែកថ្មី ឃុំសាលាវិស័យ ស្រុកប្រាសាទបល្ល័ង្ល ខេត្តកំពង់ធំថា ការសាងសង់អាគាទីបញ្ជាការ វរៈសេនាតូចលេខ១នេះ ដើម្បីជាប្រយោជន៍ របស់
អង្គភាពក្នុងការបន្តនិរន្តរភាពការងារ កាន់តែប្រសើរ ឈាន ទៅចូលរួមពង្រឹងវិស័យការពារជាតិ ក្នុងស្ថានភាពប្រទេសជាតិ ពិសេសក្រសួងការពារជាតិ កំពុងតែជួបការ លំបាកនូវ បញ្ហា ថវិកាដែលត្រូវធានាលើគ្រប់វិស័យក្នុងកិច្ចការពារជាតិ ដោយឡែកទីតាំងវរៈសេនាតូច កាលពីមុននៅចំនុចផ្លូវបំបែក ព្រះវិហារ សៀមរាបកំពង់ធំ តែត្រូវបានឯកឧត្តម មេបញ្ជាការ
យោធភូមិភាគ៤ បានឲ្យផ្លាស់ប្តូរទីតាំង កាលពីឆ្នាំ២០១០ មកទីតាំងថ្មីនៅភូមិឃុំខាងលើ ជាព្រំប្រទល់ កំពង់ធំ ព្រះវិហារវិញ ក្នុងនោះក៏មានការឧបត្ថម្ភ គាំទ្រពីសំណាក់ ឯកឧត្តម ឈុន ឈន់ អតីតអភិបាលខេត្តកំពង់ធំ និងលោក ឧញ៉ា ទ្រី ភាពឧបត្ថម្ភ ១០០០ដុល្លា លោកឧកញ៉ា ហេង សំណាង ប្រធានសភាពាណិជ្ជកម្ម កំពង់ធំ ព្រះវិហារ ឧបត្ថម្ភ ទិញ ក្រម៉ា ៦០០
ដុល្លា និងថវិការសម្រាប់សាងសង់ ១០០០ដុល្លា ឯកឧត្តម អ៊ុត សំអន អភិបាលខេត្តកំពង់ធំឧបត្ថម្ភ ៥០ម៉ឺនរៀល និងឯកឧត្តម ណាំ ទុំ ប្រធានក្រុមប្រឹក្សាខេត្តកំពង់ធំ ព្រមទាំងសម្បុរសជនប្រធាន និងស្ថាប័នជុំវិញខេត្តកំពង់ធំ ទើបសម្រេចបានលទ្ធផល ជោគជ័យក្នុងលទ្ធភាពសាងសង់អាគាដែលមានទំហំ ៧មគុណ៨ម សាងសង់អំពីឥដ្ឋ ប្រក់ក្បឿង មានបន្ទប់សម្រាប់ មេបញ្ជាការក្នុងគម្រោងចំណាយទឹកប្រាក់ ៩៩៩៩ដុល្លា ។ ឯកឧត្តម អ៊ុត សំអន អភិបាល នៃគណៈ
អភិបាលខេត្តកំពង់ធំ បានកោតសរសើនឹងវាយតំលៃខ្ពស់ ចំពោះ មេបញ្ជាការ តំបន់ប្រតិបត្តិការសឹករង កំពង់ធំ ដែលបានយកចិត្តទុកដាក់ ក្នុងការកសាងអភិវឌ្ឍន៍ទីបញ្ជាការ នានា ដែលចំណុះឲ្យតំបន់សឹកគួរឲ្យកត់សម្គាល់ ព្រមទាំងបានបង្កើតនូវកម្មវិធី អប់រំផ្សព្វផ្សាយ ទាំងចិត្តសាស្ត្រ និងយុទ្ធវិធីក្បួនយុទ្ធសាស្ត្ររបស់កងទ័ព ព្រមទាំងបានជម្រុញឲ្យមានការ ដាំដុះ
បង្ករបង្កើនផល ចិញ្ចឹមត្រីនៅតាមមូលដ្ឋាន ទើបកងយោធពលខេមរៈភូមិន្ទ នៃតំបន់សឹករងកំពង់ធំ មានវិន័យ សីលធម៌ និងសេចក្តីថ្លៃថ្នូរ និងមានការឯកភាព សាមគ្គីគ្នា ចេះរួមរស់ជាមួយគ្នាបានល្អប្រសើរ ។និងបានផ្តាំផ្ញើរដល់ បងប្អូនប្រជាពលរដ្ឋ ឲ្យមានការជឿជាក់លើរាជរដ្ឋាភិបាល កុំជឿពាក្យញ៉ុះញ៉ង នាំអោយខ្មែរបែកបាក់ ព្រោះ ប្រវត្តិសាស្ត្រខ្មែរ ជាគំរូមកជាយូរលង់ណាស់មកហើយ ។ ដោយ ប៊ុន រដ្ឋា 
