កំពង់ឆ្នាំង ៖ ក្រោយពីទទួលបានការណែនាំពីសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងតាមការដឹកនាំនិងបញ្ជារបស់ឯកឧត្តម ឈួរ ច័ន្ទឌឿន គណៈបញ្ជាការឯកភាពខេត្តនិងជាអភិបាលនៃគណៈអភិបាលខេត្តកំពង់ឆ្នាំង ចាប់ពីថ្ងៃទី១៣ ដល់ព្រឹកថ្ងៃទី១៥
មិថុនា ២០១៤នេះ អាជ្ញាធរខេត្តកំពង់ឆ្នាំងដឹកនាំដោយឯកឧត្តម សៀក គឹមលៀង អភិបាលរងខេត្ត រួមដំណើរដោយលោក កែវ ពៅ ប្រធានមន្ទីរសាធារណៈការនិងដឹកជញ្ជូនខេត្ត មន្ត្រីសាលាខេត្ត និង មន្ត្រីមន្ទីរសាធារណៈការខេត្តបាននាំយករថយន្តទៅដឹកពលករខ្មែរ ចំនួន១៨៣នាក់ក្នុងនោះមានស្រី៦៧នាក់ ត្រឡប់មកពីព្រុំដែនកម្ពុជា ថៃ ក្រុងប៉ោយប៉ែត យកទៅដល់លំនៅដ្ឋានរៀងខ្លួនៗវិញនៅតាមក្រុង. ស្រុក ក្នុងខេត្តកំពង់ឆ្នាំង ដោយសុវត្ថិភាព ។
នៅរសៀលថៃ្ងទី១៤ ខែមិថុនា ឆ្នាំ២០១៤ពេលដែលពលករចំនួន១៥២នាក់ស្រី៥០នាក់មកដល់ទីក្រុងខេត្តកំពង់ឆ្នាំង ដែលមានការជូនដំណើរដោយផ្ទាល់ពីឯកឧត្តម សៀក មលៀង លោកកែវពៅនិងលោក លៀង ជុំសុបិន្ត ត្រូវបានការយកចិត្តទុកដាក់និងដឹកនាំទទួលដោយ ឯកឧត្តម អ៊ុន សំអុល ប្រធានសាខាកាកបាទក្រហមខេត្តកំពង់ឆ្នាំង លោកប្រាក់ សោភ័ណ្ឌនា យកប្រតិបត្តិសាខាកាកបាទក្រហមខេត្តសមាជិកសមាជិកសាខាកាកបាទក្រហមខេត្ត សហភាពសហព័ន្ធយុវជនខេត្ត យុវជនកាកបាទក្រហមខេត្ត និងមន្ត្រីតំណាងក្រុងស្រុកនិមួយៗរង់ចាំទទួលពលកររបស់ខ្លួនទៅលំនៅដ្ឋានវិញ។នៅល្ងាចនោះដែរកញ្ញា ចាន់ ម៉ូល្លីនា យិការងសាខាកាកបាទក្រហមខេត្ត បានអោយដឹងថា៖ មុនពេលករវិលទីលំនៅដ្ឋានវិញ សាខាកាកបាទក្រហមខេត្ត បានឧបត្ថម្ភបាយ១ប្រអប់ សុទ្ធ១ដប និងថវិកា១ម៉ឺនរៀលដល់ពលករម្នាក់ៗផងដែរ។
នៅរសៀលថៃ្ងទី១៥ ខែមិថុនា ឆ្នាំ២០១៤ ពលករដែលដឹកជញ្ជូនដោយរថយន្តកងរាជអាវុធហត្ថខេត្ត បានដឹកជញ្ជូនពលករចំនួន៣១នាក់ស្រី១៧នាក់ ដោយមានការទទួលពីលោកជំទាវកែ ច័ន្ទមុនី អនុប្រធានកិត្តិយសសាខាកាកបាទក្រហមខេត្តនិងជាតំណាងរស្ត្រមណ្ឌលកំពង់ឆ្នាំង ឯកឧត្តម អ៊ុនសំអុល ប្រធានសាខាកាកបាទក្រហមខេត្ត និងសមាជិកសមាជិកាកាកបាទក្រហមខេត្តជាច្រើនរូបទៀត។នៅក្នុងល្ងាចនោះដែរកញ្ញា ចាន់ ម៉ូល្លីន អោយដឹងថា៖ ពលករទាំង៣១នាក់ មុនពលករវិលទីលំនៅដ្ឋានវិញសាខាកាកបាទក្រហមខេត្តបានឧបត្ថម្ភបាយ១ប្រអប់ទឹកសុទ្ធ១ដបនិងថវិកា១ម៉ឺនរៀលដល់ពលករម្នាក់ៗដូចពលករមុនដែរ។ ដោយឡែក ក្នុងពេលនោះ លោកជំទាវ កែ ច័ន្ទមុនី បានឧបត្ថម្ភថវិកាផ្ទាល់ខ្លួនដល់ពលករ ដែល ក្នុងម្នាក់ៗ១ម៉ឺនរៀល និង លោកស្រីឡុញ ភីសា សមាជិកកាកបាទក្រហមខេត្តបានឧបត្ថម្ភថវិកាផ្ទាល់ខ្លួនក្នុងម្នាក់ៗ៥ពាន់រៀលផងដែរ។
លោកជំទាវកែច័ន្ទមុនីបានមានប្រសាសន៍ពាំនាំប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ និងសម្តេ ចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលសម្តេចទាំង២តែងតែគិតគូពីសុខទុក្ខរបស់ប្រជាពលរដ្ឋជានិច្ចដោយមិនប្រកាន់ពូជសាសន៍ ឬនិន្នាការនយោបាយអ្វីឡើយ។
លោក ជំទាវ កែ ច័ន្ទមុនី បានណែនាំដល់ពលករទាំងអស់សូមអោយខិតខំថែទាំសុខភាពពេលវិល ទៅលំនៅដ្ឋានវិញ និងរកការងារធ្វើនៅក្នុងស្រុក កុំធ្វើចំណាកស្រុកទាំងប្រថុយប្រថានទៀត ដែលនៅក្នុងស្រុកយើងសព្វថ្ងៃមានការរីកចំរើនលើគ្រប់វិស័យ មានការងារច្រើនណាស់រង់ចាំអោយប្រជាពលរដ្ឋគ្រប់រូបធ្វើ និងអាចរកចំណូលចិញ្ចឹមគ្រួសារយើងបាន។លោកជំទាវក៏បានផ្តាំផ្ញើដល់អាជ្ញាធរដែនដីគ្រប់ជាន់ថ្នាក់ ត្រូវជួយសំរបសំរួលអោយពលករទាំងអស់វិលទៅដល់លំនៅដ្ឋានរៀងៗខ្លួនដោយសុវត្ថិភាព៕
