ដោយសារតែស្រលាញ់ស្រីជាគ្រូបង្រៀនដូចគ្នា លោកគ្រូ ប៊ន សុជាតិ បានវាយដំធ្វើបាបប្រពន្ធ និងកូនៗ រួចប្តឹងទៅតុលាការខេត្តកំពង់ឆ្នាំង សុំលេងលះប្រពន្ធ បន្សល់ទុកកូនប្រុសចំនួន៣នាក់ អោយនៅកំព្រា ។ ចំណងអាពាពិពាណ៏ អស់រយះពេល១៧ឆ្នាំ អ្នកស្រី ស្រ៊ុន អូន អាយុ៤១ឆ្នាំ
រស់នៅសង្កាត់ផ្សារឆ្នាំង ក្រុងកំពង់ឆ្នាំង ជាប្រពន្ធបានទទួលបន្ទុកធុរៈ ចិញ្ចឹមកូនតូចៗ ដោយម្នាក់ឯង ស្ត្រីរូបនេះ បានរៀបរាប់ប្រាប់ឲ្យដឹងថា អ្នកស្រីបានរៀបចំអាពាហ៍ពិពាណ៏ តាមគន្លងប្រពៃណី ជាមួយគ្រូបង្រៀនថ្នាក់បរិញ្ញាម្នាក់ គឺ លោក ប៊ន សុជាតិ កាលពីឆ្នាំ១៩៩៧ រហូតមកមិនដែលមានទំនាស់អ្វីនឹងគ្នានោះទេ ហើយចំណងអាពាហ៍ពិពាណ៏ របស់អ្នកស្រី បានកូនប្រុសចំនួន៣នាក់ ទី១ ឈ្មោះ ជាតិ គិរី អាយុ១៦ឆ្នាំ ទី២ឈ្មោះ ជាតិ រតនៈ អាយុ១១ឆ្នាំ ទី៣ឈ្មោះ ជាតិ សុវិទ្យា អាយុ៦ឆ្នាំ ស្ត្រីរូបនេះបន្តថា ប្តីរបស់អ្នកស្រី លោក ប៊ន សុជាតិ ជាគ្រូបង្រៀននៅវិទ្យាល័យ ព្រះបាទសុរាម្រឹត ក្រៅម៉ោងធ្វើការងាររដ្ឋ លោកគ្រូ ប៊ន សុជាតិ បង្រៀននៅសាលាពុទ្ធិកសកលវិទ្យាល័យសីហនុរាជ គឺសាលាលោកវត្តអារញ្ញ គ្រូ ប៊ន សុជាតិ ខណះពេលមានប្រាស្រ័យទំនាក់ទំនង ស្នេហាជាមួយនិងអ្នកគ្រូជាគ្រូបង្រៀន ក្នុងវិទ្យាលយ័ដូចគ្នា តែងតែប្រើល្បិចគ្រប់រូបភាព យកលេសវាយដំប្រពន្ធ និងកូន ហើយប្តឹងទៅតុលាការ សុំលេងលះ ។ លោកគ្រូ ប៊ន សុជាតិ មានពេលខ្លះ គ្រូបង្រៀនរូបនេះ បានវាយនឹងចាក់សោរបង្ឃាំងកូន មិនឲ្យទៅសាលារៀន ខណះកូនសុំលុយខ្មែរត្រឹមតែ២ពាន់រៀល ដើម្បីយកទៅរៀន ។ អ្នកស្រី ស្រ៊ុន អូន រៀបរាប់ថា ប្តីរបស់អ្នកស្រី លោក ប៊ន សុជាតិ ជាមនុស្សចេះដឹង និងជាគ្រូបង្រៀន ថ្នាក់មហាវិទ្យាលយ័ លុះពេលស្រលាញ់ស្រីផ្សេង ប្រៀបដូចមនុស្សជាមនុស្សគ្មាចេះអ្វីបន្តិចសោះ លោកគ្រូជាគំរូល្អដល់សិស្សនឹងសង្គម មិនគួរធ្វើគំរូអាក្រក់ឡើយ ។
លោកគ្រូ ប៊ន សុជាតិ សុខចិត្តចុះចេញពីផ្ទះ ហើយប្តឹងមកប្រពន្ធនិងកូន ទាមទាជំងឺចិត្ត ដោយ សាតែស្រីម្នាក់ ទុកធុរៈឲ្យស្ត្រីជាប្រពន្ធ ចិញ្ចឹមកូនៗទាំង៣នាក់ ។ ការរៀបរាប់ខាងលើនេះ គឺជាការរៀបរាប់របស់ស្ត្រី ស្រ៊ុន អូន រីឯរឿងរ៉ាវពិតយ៉ាងណានោះ រងចាំការបកស្រាយពីលោកគ្រូ ប៊ន សុជាតិ ៕
