បាល់ទាត់៖ ក្រុមម្ចាស់ផ្ទះកាំភ្លើងធំ Arsenal បានឈានចូលវគ្គ 8 ក្រុមចុងក្រោយហើយនៃការប្រកួតពានរង្វាន់ FA Cup បន្ទាប់ពីរាត្រីថ្ងៃអាទិត្យម្សិលមិញនេះ បានយកឈ្នះក្រុមភ្ញៀវហង្សក្រហម Liverpool នៅ Emirate Stadium។ ក្នុងរដូវកាលនេះ Liverpool បានបរាជ័យនៅផ្ទះ Arsenal ជាលើកទីពីរហើយ ខណៈដែលលើកនេះម្ចាស់ផ្ទះបានបើកការ នាំមុខមុននៅនាទីទី 16 ដោយកីឡាករអង់គ្លេស Alex Oxlade-Chamberlain។ ឈានចូលតង់ទីពីរបានតែពីរនាទី Alex Oxlade-Chamberlain ដដែល ក៏បញ្ជូនបាល់យ៉ាងល្អអោយខ្សែប្រយុទ្ធអាល្លឺម៉ង់ Lukas Podolski ស៊ុតបញ្ចូលទី អោយ Arsenal
នាំមុខ 2-0។ Liverpool ក៏តាមបាមមួយគ្រាប់វិញ នៅពេល Podolski ធ្វើអោយ Luis Suarez ដួលក្នុង តំបន់គ្រោះថ្នាក់ Steven Gerrard ជាស៊ុតប៉េណាល់ទីតាមពីក្រោយ 1-2។ Liverpool គួរតែបានបាល់ពិន័យ 11 ម៉ែត្រ មួយទៀតនៅពេល Chamberlain ទាត់ Suarez ដដែលអោយដួលក្នុងតំបន់គ្រោះថ្នាក់ តែអាជ្ញាកណ្ដាលមិនអោយ ចប់ការប្រកួត Arsenal
ឈានចូលវគ្គ 8 នាក់ចុងក្រោយជាបន្ត។ ងាកមកទស្សនាការប្រកួតនៅទឹកដី Etihad Stadium របស់ Manchester City ទទួលភ្ញៀវ Chelsea កាលពី ថ្ងៃសៅរ៍។ ម្ចាស់ផ្ទះបាននាំមុខមុននៅនាទីទី 16 ដោយអតិតកីឡាកររបស់ Fiorentina, Stevan Jovetic ទទួលបាល់ពី ខ្សែប្រយុទ្ធ Edin Dzeko គ្រូបង្វឹក Manuel Pellegrini ត្រេកអរយ៉ាងខ្លាំង។ Jovetic ដដែលក៏បាន
បញ្ជូនអោយ Edin Dzeko វិញម្ដងស៊ុតមិនផុតអ្នកចាំទី Petr Cech ចប់តង់ទីមួយ 1-0។ ចូលតង់ទីពីរម្ចាស់ផ្ទះក៏ធានាជ័យជំនះនៅនាទីទី 66 ដោយកីឡាករបម្រុង Samir Nasri នៅពេលលេង មួយ ពីរ ជាមួយនឹង David Silva។ ចប់ការប្រកួត Manchester City ឈ្នះ 2-0 ឡើងទៅជុំបន្ត៕ Gemeda Feyera នឹង Rogele Rehima Kedir យកឈ្នះការប្រកួតរត់ម៉ារ៉ាតុងនៅហុងកុ
