ខេត្តកំពង់ធំ៖ បច្ចុប្បន្នរាជរដ្ឋាភិបាល ក៏ដូចជាអង្គការនានា បានយកចិត្តទុកដាក់ចំពោះបញ្ហាព្រៃឈើ ដែល កំពុងតែទទួលនៃការរុករាន្ទ កាប់បំផ្លាញពីមួយថ្ងៃ ទៅមួយថ្ងៃពីសំណាក់ឈ្មួញ បណ្តាលឲ្យព្រៃឈើនៅកម្ពុជា ស្ថិតនៅក្រោមការគំរាមគំហែង និងប្រឈមការកាប់បំផ្លាញ
វាទទីយកដីព្រៃធ្វើជាកម្មសិទ្ធ។
ជាក់ស្តែងនៅព្រឹកថ្ងៃទី ៣០ ខែមិថុនាឆ្នាំ ២០១៤ ខណ្ទរដ្ឋបាលព្រៃឈើកំពង់ធំ បានរៀបចំចែកកូនឈើ ជូនដល់បងប្អូនប្រជាពលរដ្ឋ ទៅធ្វើការដាំដុះនៅតាមលំនៅដ្ឋាន ដោយមានការចូលរួម ពីសំណាក់ លោក អ៊ុត សំអន អភិបាល នៃគណៈអភិបាលខេត្តកំពង់ធំ និងលោក គឹម ចន្ថា នាយរងអធិការរដ្ឋបាលព្រៃឈើកំពង់ធំ វេលាម៉ោង៨ព្រឹក ដែលមានការចូល រួមមន្ត្រីរដ្ឋបាលព្រៃឈើ កងកម្លាំងប្រដាប់អាវុធ សិស្សានុសិស្ស ប្រជាពលរដ្ឋចំនួនជាង៣០០នាក់ ស្ថិតនៅភូមិទួលដំណាក់ ឃុំ ចុងដូង ស្រុកបារាយណ៍ ខេត្តកំពង់ធំ ។
លោក អាំ ប៊ុនថា នាយរងខណ្ទរដ្ឋបាលព្រៃឈើកំពង់ធំ បានឲ្យដឹងថា ថ្នាល់បណ្តុះកូនឈើទួលដំណាក់ បានបង្កើតឡើងនៅឆ្នាំ ២០០០ មកទលើនឹងពេលនេះ នៅឆ្នាំ ២០១៤នេះ ថ្នាល់បណ្តុះកូន ឈើសម្តេច ហ៊ុនសែន ទួលដំណាក់ បណ្តុះបាន ២.៥៨៥.៦៥៥ដើម ចំណែកកូនឈើដែលត្រូវបាននាំយកមក ចែកជូនបងប្អូនប្រជាពលរដ្ឋមាន ដើមដូង ដើមស្វាយ ដើមមាន ដើមបេង ដើមគ្រញូង នាងនួន ម៉ៃសាក់ គគីរ ឈើទាល និងដើមឈើហូបផ្លែរជាច្រើនមុខទៀត ដើម្បីឲ្យប្រជាពលរដ្ឋធ្វើការដាំដុះ។
លោក អ៊ុត សំអន អភិបាលខេត្តកំពង់ធំ បានមានប្រសាសន៍ ផ្តាំផ្ញើរដល់ បងប្អូនប្រជាពលរដ្ឋ ចូលរួមថែរក្សា ព្រៃឈើ បំផុសចលនាមហាជនឲ្យស្រឡាញ់ព្រៃឈើ ព្រោះព្រៃឈើអាចខ្វះមនុស្សបាន តែមនុស្សមិនអាច ខ្វះព្រៃឈើបាននោះទេ ដូច្នេះព្រៃឈើមានសារៈសំខាន់ខ្លាំងណាស់ និងបានផ្តល់នូវអត្តប្រយោជន៍រាប់សិប យ៉ាងដល់មនុស្ស តែបែរជាមនុស្សជាអ្នកបំផ្លាញដោយយល់ឃើញថា ព្រៃឈើមានសារៈសំខាន់ សម្រាប់ការរស់រានមានជីវិតមនុស្សសត្វ ដោយមិនអាចខ្វះ បានទើបបានជាពិភពលោក យើងនេះមានការព្រួយបារម្ភណ៍ និងបញ្ហារប្រឈមចំពោះការបាត់បង់ព្រៃឈើ ដែលជាលទ្ធផលនាំនូវ គ្រោះមហន្តរាយសព្វគ្រប់បែបយ៉ាង ទើបរាជរដ្ឋាភិបាលកម្ពុជា ដែលមានសម្តេច អគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា បានជម្រុញឲ្យមានការចូលរួមដាំកូនឈើ នៅតាមវត្តអារាម សាលារៀន និងកន្លែងសាធារណៈ ក៏ដូចជានៅតាមគេហដ្ឋាន មិនតែប៉ុណ្ណោះ បានគាំទ្រឲ្យមានសហគមន៍នៅតាមមូលដ្ឋាន នាំគ្នាថែរក្សាការពារព្រៃឈើ ដើម្បីផលប្រយោជន៍ របស់ប្រជាពលរដ្ឋក្នុងភូមិ៕
