បាងកកៈ បាតុករថៃរាប់ពាន់នាក់បាន ឡោមព័ទ្ធអគាររដ្ឋាភិបាលរារាំងលោក ស្រី យីងឡាក់ វិលត្រឡប់ទៅធ្វើការដូច ដើមវិញ ។ មេដឹកនាំគណៈកម្មការធិការកែទម្រង់ ប្រជាធិបតេយ្យប្រជាជន PDRC លោក Katasila និយាយថា “យើងបានការពារ អគាររដ្ឋាភិបាលយ៉ាងល្អបំផុតដោយមិន អនុញ្ញាតឱ្យលោកស្រីយីងឡាក់វិលត្រឡប់ ចូលទៅកាន់ទីនោះធ្វើការទៀតឡើយ ។ យើងអនុញ្ញាតឱ្យតែរដ្ឋាភិបាលដែលកើត ឡើងដោយក្រុម PDRC ធ្វើការនៅ ទីនោះ ។ ក្នុងពេលជាមួយគ្នានោះ មេដឹកនាំ ក្រុមនិស្សិតដើម្បីកែទម្រង់ប្រជាធិបតេយ្យ បានឱ្យដឹងថា ក្រុមប្រឆាំងបានសាងសង់ ជញ្ជាំងបេតុងនៅខាងក្រៅវិមានរដ្ឋសភា រារាំងលោកស្រីយីងឡាក់វិលត្រឡប់ចូល ធ្វើការវិញ ។
រយៈពេលជាច្រើនខែកន្លកងមកលោក ស្រីយីងឡាក់ មិនធ្វើការនៅអគាររដ្ឋ សភាក្នុងគោលដៅបញ្ចៀសការប៉ះទង្គិច ជាមួយក្រុមបាតុករ ដោយលោកស្រី បានប្ដូរទីតាំងទៅធ្វើការនៅការិយាល័យ របស់ក្រសួងការពារជាតិវិញ ។ ចំណែក ការប្រជុំគណៈរដ្ឋមន្ដ្រីជាប្រចាំនោះនៅ ទីតាំងទាហានអាកាសរបស់ថៃ ។
ការប្ដេជ្ញាឡោមព័ទ្ធវិមានរដ្ឋាភិបាល ពីសំណាក់ក្រុមបាតុករកើតឡើងក្រោយ ពេលដែលប៉ូលិសថៃប្ដេជ្ញាបោសសម្អាត ក្រុមបាតុករ និងរុះរើបើកផ្លូវមួយចំនួន ឱ្យប្រជាពលរដ្ឋធ្វើចរាចរណ៍ឡើងវិញ ខណៈដែលបាតុករកាន់តែថយចុះនោះ ។ អគ្គនាយកមជ្ឈមណ្ឌលការពារសន្ដិ-ភាពនិងសណ្ដាប់ធ្នាប់ថៃ លោក Cha-loem Yubumrung បានប្រកាសថា មជ្ឈមណ្ឌលរបស់លោកនឹងប្រើប្រាស់ កម្លាំងប៉ូលិសជាទ្រង់ទ្រាយធំបោសសម្អាត ក្រុមបាតុករ និងរុះរើរបាំងឃាំងផ្លូវនៅ៥ កន្លែងដែលក្រុមបាតុករដឹកនាំដោយ គណៈកម្មការកែទម្រង់ប្រជាធិបតេយ្យ ប្រជាជន PDRC ។ 
