ខេត្តកំពង់ធំ៖ ឯកឧត្តម ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ បានអញ្ជើញជាអធិបតីភាព ក្នុងពិធីសំណេះ សំណាល នៅវិទ្យាស្ថានក្រុងអង្គរ ព្រមទាំងប្រតិភូអមដំណើរ ក្រោមការចូលរួមពីសំណាក់ ឯកឧត្តម សុខ លូ អភិបាលរងខេត្ត កំពង់ធំ លោក កើត រ័ត្ន នាយកវិទ្យាស្ថានក្រុងអង្គរ និងអភិបាលស្រុកជាច្រើននាក់ និងលោកគ្រូ មន្ត្រីរាជការ សិស្សានុសិស្សចូលរួមជាង១០០០នាក់ ស្តីពីកិច្ចការ និងការគ្រប់គ្រងមុខងារសាធារណៈ កាលពីព្រឹកថ្ងៃទី ២១ ខែ កក្កដា ឆ្នាំ ២០១៤ ។
នៅក្នុងពិធីសំណេះសំណាល ឯកឧត្តម ពេជ្រ ប៊ុនធិនបានមានប្រសាសន៍ណែនាំ សំណេះសំណាលជាមួយនិសិត្យ គ្រូបង្រៀន និងមន្ត្រីរាជការ ស្តីពីប្រវត្តិនិងការវិវត្តន៍ របស់មន្ត្រីរាជការស៊ីវ៉ិលនៅកម្ពុជា ដោយបញ្ជាក់ ថា វិមជ្ឈការគឺឲ្យប្រជាជនមានសិទ្ធប្រជាធិបតេយ្យមកចូលជាមួយដើម្បីសម្រេច ឯវិសហមជ្ឈការ គឺជាការបង្ខិតសេចក្តីសម្រេច ឲ្យនៅជិត ប្រជាជន ដែលវាខុសគ្នានៃការអនុវត្តន៍ និងខុសគ្នា
ទាំងស្រុងផ្នែកទិដ្ឋភាពច្បាប់ ដែលហៅថា រដ្ឋបាលគឺជា ការទំនាក់ទំនងគ្នា រវាងស្ថាប័ន និងស្ថាប័ន អង្គភាព មួយទៅអង្គភាពមួយ ក្នុងការបែងចែក ភាពទទួលខុស ត្រូវ ចំណែករដ្ឋបាលផ្នែកយោធា គឺជាការត្រួតត្រាផ្នែករដ្ឋបាល អ្នកដែលទទួលរងនូវការត្រួតត្រា បានហៅថា ជាការជិះជាន់ ជាក់ស្តែងនៅប្រទេសនៅប្រទេសកម្ពុជា ក្រោយពីអ៊ុនតាក់ចូលមក កម្ពុជាបានជ្រើសយក ពាក្យមួយទៀតហៅថា អភិបាលកិច្ច គឺជាការប្រព្រឹត្តអំពើល្អ ដោយមានការចូលរួមគ្នា រវាងអ្នកត្រួតត្រា អ្នក គ្រប់គ្រង រវាងអ្នកដែលត្រូវគ្រប់គ្រង ។ 
ក្នុងឳកាសនោះ ឯកឧត្តម ពេជ្រ ប៊ុនធិន បានមានប្រសាសន៍ ណែនាំនូវការប្រើប្រាស់ពាក្យតាមសម័យកាល ដ៏សមរម្យ ក្នុងការត្រួតត្រាក្នុងរដ្ឋបាល និងអភិបាលកិច្ចល្អ និងត្រូវស្វែងយល់ពីអត្ថន័យខ្លឹមសារនានា ក្នុង រដ្ឋបាលសារណៈ និងត្រូវយល់ពីអត្ថន័យនូវការគ្រប់គ្រង់ តាមសម័យកាល ។
