សៀមរាប : រថយន្តពន្លត់អគ្គីភ័យ ១ គ្រឿងនិង សម្ភារៈ ចាំបាច់សម្រាប់បម្រើការឲ្យរថយន្ដពន្លត់អគ្គីភ័យ មួយចំនួនទៀត ជារថយន្តលើកទីពីរហើយដែលលោកកាន់ណារី យួតាកាក និងសប្បុរសជន ជាជនជាតិជប៉ុនក្រោមការសម្របសម្រួលរកម្ចាស់ជំនួយពីសំណាក់លោក
វរៈសេនីយ៍ត្រី ហួត សុធី នាយរងការិយាល័យកណ្តាលភស្ភុភារ និង ហិរញ្ញវត្ថុ នៃស្នងការដ្ឋាននគរបាល ខេត្តសៀមរាប ។ ជាក់ស្តែងនៅស្នងការដ្ឋាន នគរបាល ខេត្តសៀមរាប កាលពីព្រឹកថ្ងៃទី២៤ ខែកក្កដា ឆ្នាំ២០១៤ បានរៀបចំពិធីប្រគល់ និងទទួលរថយន្ដ ពន្លត់អគ្គីភ័យ ១គ្រឿង និង សម្ភារៈ ចាំបាច់ជាច្រើនទៀតសម្រាប់រថយន្ដពន្លត់អគ្គីភ័យក្រោមការទទួលស្វាគមន៍យ៉ាងកក់ក្តៅពីសំណាក់ លោក ឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប និងអស់លោកស្នងការរង មួយចំនួនទៀតផងដែរ ។ លោក ឧត្តមសេនីយ៍ទោ សត ណាឌី ស្នងការនគរបាលខេត្តសៀមរាបបានថ្លែងអំណរគុណយ៉ាងជ្រាវជ្រៅបំផុតចំពោះសប្បុរសជន ជាជនជាតិជប៉ុន កន្លងទៅ និងជាបន្តបន្ទាប់ តែងតែបានជួយនូវសមិទ្ធិផលផ្នែក មនុស្សធម៌បានជាច្រើន ជូនដល់ខេត្តសៀមរាប កាលពីឆ្នាំ២០១២ លោកបានជួយសាងសង់អគារសិក្សា ៣ខ្នង មាន ១៥បន្ទប់ រួមទាំងបន្ទប់ទឹក របងសាលា ខ្លោងទ្វារ និងសម្ភារៈសិក្សាមួយចំនួនទៀត ។ ហើយឆ្នាំ ២០១៤នេះ បានបញ្ជូនគ្រូបណ្ដុះ បណ្ដាលវិជ្ជាជីវៈ ឲ្យទៅបណ្ដុះបណ្ដាលជំនាញបន្ថែម ចំនួន ១៦នាក់ ក្នុងរយៈពេល១ឆ្នាំ នៅប្រទេសជប៉ុន ។ ដោយឡែកនៅថ្ងៃទី២៤ ខែកក្កដា ឆ្នាំ២០១៤នេះសប្បុរសជន ជាជនជាតិជប៉ុនក៏បានបន្តផ្តល់ជូននូវរថយន្តពន្លត់អគ្គីភ័យ ១ គ្រឿងនិង សម្ភារៈ ចាំបាច់មកដល់ស្នងការដ្ឋាននគរបាលខេត្តសៀមរាបជាការចូលរួមចំណែក ក្នុងការបំពេញនូវតម្រូវការ របស់ស្នងការដ្ឋាននគរបាលខេត្តសៀមរាប សម្រាប់បម្រើ និងផ្ដល់អន្តរាគមន៍ ក្នុងការជួយពន្លត់គ្រោះអគ្គីភ័យ សង្គ្រោះជីវិតមនុស្ស និងទ្រព្យសម្បត្តិរបស់ប្រជាពលរដ្ឋ និងបណ្ដាភ្ញៀវទេសចរណ៍ជាតិ អន្តរជាតិផងដែរ ។ ហើយលោកឧត្តមសេនីយ៍ទោ សត ណាឌី ស្នងការនគរបាលខេត្តសៀមរាប សង្ឃឹមថា សប្បុរសជន ជាជនជាតិជប៉ុននឹងបន្តគៀង គរ សម្បុរសជន ផ្សេងទៀត ឲ្យមកជួយដល់ខេត្តសៀមរាប ជាបន្តបន្ទាប់ទៀត ផងដែរ ៕
