កាលពីព្រឹកថ្ងៃទី២៥ កក្កដា កន្លងទៅនេះមានពិធីបើកវគ្គបំប៉នក្រមនិតិវិធីព្រហ្មទណ្ឌដល់ន្ត្រីនគរបាលខេត្តព្រះវិហារក្រោមអធិបតីភាពលោកឧត្តមសេនីយ៍ត្រី ជា ប៊ុនថល អនុប្រធាននាយកដ្ធាននគរបាលក្រសួងមហាផ្ទៃ មានសិក្ខាកាមចូលរៀនវគ្គបំប៉ននេះចំនួន២០០នាក់រយៈពេល
០២ថ្ងៃ ។ លោកវរៈសេនីយ៍ឯក កែវ ចំរើន ស្នងការរងទទួលបន្ទុកនគរបាលកណ្ដាលយុត្តិធម៌មានមតិស្វាគមន៍ វត្តមានរបស់លោកឧត្តមសេនីយ៍ត្រី ជា ប៊ុនថុល គណៈអធិបតី និងជាគ្រូឧទេសនាម នៅក្នុងពីធីបើកវគ្គបំប៉នក្រមនិតិវិធីព្រហ្មទណ្ឌ ។ លោកឧត្តមសេនីយ៍ត្រី ជា ប៊ុនថុល បានមានប្រសាសន៍សំណេះសំណាលជាមួយសិក្ខាកាមនាឱកាសនោះដែរដើម្បីឲ្យសិក្ខាកាមម្នាក់ៗក្លាយខ្លួនជានគរបាលយុត្តិធម៌ត្រូវទាមទារនូវចំណេះដឹងផ្នែកក្រមនិតិវិធីព្រហ្មទណ្ឌឲ្យបានច្បាស់លាស់ ។ លោកឧត្តមសេនីយ៍ត្រីបានបន្តថា អស់លោកជាមន្ត្រីជានគរបាលណា ខាងគ្រឿងញ្ញៀនត្រូវតែយល់ដឹងអំពីនិតិវិធីច្បាប់គ្រឿងញៀន ខាងនគរបាលយុត្តិធម៌ត្រូវយល់ដឹងអំពីច្បាប់ព្រហ្មទណ្ឌ ច្បាប់ចរាចរណ៍ និងច្បាប់ផ្សេងៗទៀត ។ និយាយជារួមមន្ត្រីគ្រឿងញ្ញៀនយល់ច្បាប់គ្រឿងញ្ញៀន មន្ត្រីព្រហ្មទណ្ឌពូកែច្បាប់ព្រហ្មទណ្ឌ ខាងចរាចរណ៍ពូកែច្បាប់ចរាចរណ៍ ចំណុចដែលឯកឧត្តម នាយឧត្តមសេនីយ៍ អគ្គស្នងការនគរបាលជាតិចង់បានបំផុតនោះគឺបញ្ហាជំនាញសមត្ថភាពដែលត្រូវទាមទារឲ្យមន្ត្រីនគរបាលរបស់យើងបណ្ដុះបណ្ដាលបង្កើនសមត្ថភាពយល់ដឹងឲ្យបានស៊ីជំរៅផ្នែកនិតិវិធីក្រមព្រហ្មទណ្ឌលោកឧត្តមសេនីត្រីបានបន្តទៀតថា អស់លោកជាមន្ត្រីនគរបាលនៅទីនេះម្នាក់ៗមានអតិភាពការងារមិនតិចជាង ៥ឆ្នាំទេ ការអនុវត្តន៍និតិវិធីក្រមព្រហ្មទណ្ឌក៏មានបទពិសោធន៍ ក៏ប៉ុន្តែដើម្បីឲ្យមន្ត្រីនគរបាលបានយល់ដឹងកាន់តែច្បាស់ យើងត្រូវមានវត្គបំប៉នបណ្ដុះបណ្ដាលបង្កើសមត្ថភាពបន្ថែមទៀត ។
លោកឧត្តមសេនីយ៍ ស៊ី គីរី ស្នងការនគរបាលខេត្តព្រះវិហារ បានមានមតិសំណេះសំណាលនឹងធ្វើការផ្ដាំផ្ញើដល់មន្ត្រីនគរបាលយើងទាំងអស់ដែលបានចូលរៀនវគ្គបំប៉នក្រមព្រហ្មទណ្ឌនាថ្ងៃនេះ សូមអោយខិតខំសិក្សារៀនសូត្រស្វែងយល់អោបានច្បាស់នៅគន្លិះសំខាន់ៗ លោកឧត្តមសេនិយ៍បានបន្តថា ដើម្បីអោយក្លាយខ្លួនទៅជានគរបាលយុត្តិធម៍ប្រគបដោយចំណេះដឹង មន្ត្រីនគរបាលត្រូវតែពូកែអំពីនិតិវិធីក្រមព្រហ្មទណ្ឌ ខ្ញុំសង្ឃឹមថា ក្រោយពីបានបញ្ជប់វគ្គនេះទៅយើងនឹងទទួលបាននៅចំណេះដឹងថ្មីមួយបន្ថែមទៀត ដើម្បីយកចំណេះដឹងដែលបានមកពីការសិក្សារៀនសូត្រថ្ងៃនេះ យកមកបំរើជាតិ នឹងប្រជាជនយើង។
