សៀមរាប : ជនសង្ស័យភេទប្រុសទាំង៤នាក់នេះ ត្រូវបានសមត្ថកិច្ចនគរបាលក្រុងសៀមរាបចាប់ឃាត់ខ្លួនយកមកកាន់អធិការដ្ឋាននគរបាលក្រុងសៀមរាបដើម្បីធ្វើការសួរនាំជាប់ពាក់ព័ន្ធក្នុងករណីអំពើលួចដោយមានស្ថានទំម្ងន់ទោស។ លោកអនុសេនីយ៍ឯក នួន ស័ក្កិចំរើនរិទ្ធ អធិការរងនគរបាលក្រុងសៀមរាបទទួលបន្ទុកព្រហ្មទ័ណ្ឌនៃអធិការដ្ឋាននគរបាលក្រុងសៀមរាបបានឲ្យអ្នកយកព័ត៍មានយើងដឹងថាដោយ
ទទួលបានការណែនាំឲ្យដឹកនាំកម្លាំងក្នុងអង្គភាពចុះប្រតិបត្តិការណ៍ធ្វើការតាមដានស្រាវ ជ្រាវនិងឈានដល់ការបង្ក្រាបបានចំពោះជនសង្ស័យទាំង៤នាក់នេះពីសំណាក់លោកវរសេនីយ៍ទោ ទិត្យ ណារ៉ុង អធិការនគរបាល ក្រុងសៀមរាប និងដោយ អនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបក៏ដូចជា ដើម្បីធ្វើឲ្យការ អនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពខ្ពស់ ។
ទើបជាក់ស្តែងកាលពីយប់ថ្ងៃទី០៩ខែសីហាឆ្នាំ២០១៤កន្លងទៅលោកអនុសេនីយ៍ឯក នួន ស័ក្កិចំរើនរិទ្ធ បានដឹកនាំកម្លាំងនគរបាលក្នុងអង្គភាពធ្វើការតាមដានស្រាវជ្រាវនិងធ្វើការយាមល្បាតនៅតាមគោលដៅនិមួយៗជាប្រចាំដោយឡែកនៅថ្ងៃខែកើតហេតុខាងលើសមត្ថកិច្ចបានជួបប្រទះនូវបទល្មើសជាក់ស្តែងដោយសមត្ថកិច្ចបានលឺសម្លេងជនរងគ្រោះស្រែកឲ្យជួយទើបកម្លាំងសមត្ថកិច្ចចូលទៅជួយជនរងគ្រោះ
ភ្លាមៗនៅត្រង់ចំណុចស្របមាត់ស្ទឹងក្នុងក្រុងសៀមរាបដោយជនសង្ស័យភេទប្រុសទាំង៤នាក់នេះបានធ្វើសកម្មភាពយកខ្សែក្រវ៉ាត់និងដំបងវៃទៅលើជនរងគ្រោះដែលកំពង់តែដើរនិយាយទូរស័ព្ទនៅត្រង់ចំណុចកើតហេតុខាងលើយ៉ាងដំណំខណះនោះសមត្ថកិច្ចបានឃើញក៏បានចូលទៅជួយធ្វើអន្តរាគមន៍បានទាន់ពេលវេលា និង ធ្វើការចាប់ឃាត់ខ្លួនជនសង្ស័យបានភ្លាមៗតែម្តង ។ 
លោកអនុសេនីយ៍ឯក នួន ស័ក្កិចំរើនរិទ្ធ អធិការរងនគរបាលក្រុងសៀមរាបទទួលបន្ទុកព្រហ្មទ័ណ្ឌនៃអធិការដ្ឋាននគរបាលក្រុងសៀមរាបបានបន្តឲ្យដឹងទៀតថាបន្ទាប់ពីសមត្ថកិច្ចធ្វើការចាប់ឃាត់ខ្លួននិងបានធ្វើការសួរនាំចំពោះជនសង្ស័យទាំងនេះជាប់ពាក់ព័ន្ធនិងករណីខាងលើហើយនោះជនសង្ស័យបានឆ្លើយសារភាពថាពួកគេពិតជាបានប្រព្រឹត្តនូវករណីទាំងអស់ខាងលើពិតប្រកដមែន ដោយសមត្ថកិច្ចបានបញ្ជាក់ទៀតថា
ក្រុមជនសង្ស័យទាំងអស់នេះបានសារភាពទៀតថាពួកគេធ្វើសកម្មភាពខាងលើគឺដើម្បីយកលុយទៅទិញគ្រឿងជក់តែនូវពេលដែលពួកគេទើបតែធ្វើសកម្មភាពភ្លាមត្រូវសមត្ថកិច្ចក្របួចជាប់តែម្តង ។ បច្ចុប្បន្នជនសង្ស័យត្រូវបានសមត្ថកិច្ចនគរបាលក្រុងសៀមរាបចំណាត់ការទៅតាមនិតិវិធីជាបន្តហើយកាលពីព្រឹកថ្ងៃទី១១ខែសីហាឆ្នាំ២០១៤នេះ ៕ ដោយ លោក ខេង ខេមរា
