បន្ទាយមានជ័យ: ដើម្បីចូលរួមប្រលងប្រណាំងទីក្រុងស្អាត សេវាល្អ និងទទួលភ្ញៀវទេសចរណ៍ ជាតិ អន្តរជាតិ ដែលចេញចូលតាមច្រកទ្វាអត្តរជាតិប៉ោយប៉ែត អាជ្ញាក្រុងបានដឹកនាំកងកម្លាំង មន្ត្រីនគរបាលក្រុង និងកងរាជវុធហត្ថក្រុងធ្វើអនាម័យបោសសំអាតដីសំរាមបាញ់ទឹកលាងសំអាតជុំវិញរង្វង់មូល ក្នុងភូមិក្បាលស្ពាន១ សង្កាត់ប៉ោយប៉ែត សង្កាត់-ក្រុងប៉ោយប៉ែត ខេត្តបន្ទាយមានជ័យកាលពីព្រឹកថ្ងៃទី២៩ សីហា ឆ្នាំ២០១៤។ 
លោកអ៊ុំ សុផល អធិការក្រុងប៉ោយប៉ែតប្រាប់នៅថ្ងៃទី ទី២៩ សីហាថា វេលាម៉ោង៧និង៣០នាទីព្រឹកនេះ មន្ត្រីនគរបាលក្រុងប៉ោយប៉ែតចំនួន ៨១ នាក់កងរាជវុធហត្ថក្រុងចំនួន ៥ នាក់ដឺកនាំដោយ អភិបាលរងក្រុង ង៉ោម៉ងជ្រួន អធិការរងក្រុងនាយផ្នែកនាយប៉ុស្តិ នាយរងផ្នែក រងប៉ស្តិនិង មន្ត្រីនគរបាលក្រុង បានចូលរួមធ្វើអនាម័យបោសសំអាតដីសំរាមបាញ់ទឹកលាងសំអាតជុំវិញរង្វង់មូល ប៉ោយប៉ែត មកដល់ស្នាក់ការគយរដ្ឋាករ ប៉ោយប៉ែត ។ 
ក្រុមការងារបានធ្វើការបោសសំអាតរយះពេលជាង២ម៉ោងទើបបានរួចរាល់ ហើយបានធ្វើការផ្សព្វផ្សាយដល់ក្រុមម៉ូតូឌុប រម៉កកង់បី និងរថយន្តតាក់ស៊ីអោយចូលរួមរក្សាសណ្ដាប់ធ្នាប់ មានរបៀបរៀបរយ និងចូលក្នុងចំណតរថយន្តកុំបីឈប់តាមដងផ្លូវសាធារណះបង្ករភាពកកស្ទះ៕ដោយ:ឃិន គន្ធា
