ក្លិបបិសាចក្រហម Manchester United ត្រូវបានគេមើលឃើញថា កំពុងតែរៀបចំសំណើរថ្មីមួយ ដោយហ៊ាន ផ្តល់តម្លៃពលកម្មប្រមាណ ៤១ម៉ឺន ៥ពាន់ ៤០០ដុល្លារ ក្នុងមួយសប្តាហ៍ដល់កីឡាករ Toni Kroos បើសិនជារូបគេព្រមចាកចេញពី Bayern Munich នៅរដូវក្តៅនេះ ។ ខ្សែបម្រើរូបនេះស៊ុតបញ្ចូលទីបាន ១ គ្រាប់ជួយឲ្យ Bayern យកឈ្នះ Arsenal ២-០ នៅ Champions League ហើយបច្ចុប្បន្នរូបគេមិនទាន់យល់ព្រមចុះកិច្ចសន្យាថ្មីនៅទឹកដី អាលៀន អារ៉េណា (Allianz Arena) នៅឡើយទេ ។ គេហទំព័រ The Mirror បានផ្សព្វផ្សាយថា ក្រុមរបស់លោក ប៉េប ហ្គាឌីយ៉ូឡា Pep Guardiola) ចង់ឲ្យMan Utdចំណាយប្រាក់ចំនួន ៣០ លានផោនបើចង់បានកីឡាកររូបនេះស្របពេលដែល លោក ដេវីដ ម៉យ បានអះអាងថា លោកនឹងហ៊ានចំណាយប្រាក់ច្រើនសន្ធឹកសន្ធាប់នៅរដូវក្តៅនេះដើម្បីទិញកីឡាករបន្ថែមមកពង្រឹងក្រុម ៕ 
