អ្នកចាត់ការក្លិបទូកក្តោង Everton លោក រ៉ូប៊ឺតូ ម៉ាទីណេស (Roberto Martinez) កំពុងមានគម្រោងលើការទិញយកខ្សែបម្រើរបស់ហង្សក្រហម Liverpool កីឡាករ ចូ អាលែន (Joe Allen) ។ កីឡាករអន្តរជាតិវ៉េលវ័យ ២៣ ឆ្នាំរូបនេះមិនសូវជាបានចូលលេងជាជម្រើស១១នាក់ដំបូងញឹកញាប់ទេនៅទឹកដី អ៊ែនហ្វៀល (Anfield) ចាប់តាំងពីផ្លាស់មកពី ស្វេនស៊ី (Swansea) ក្នុងឆ្នាំ ២០១២ ហើយនៅរដូវកាលនេះរូបគេចូលលេងបានតែ ៧ ប្រកួតប៉ុណ្ណោះ ។
សារព័ត៌មាន Sunday People បានអះអាងថា លោក ម៉ាទីណេស (Martinez) កំពុងតែត្រៀមដាក់សំណើរទិញយកកីឡាករ អាលែន (Allen) ឲ្យបាននៅពេលចប់រដូវកាលនេះដើម្បីមកជំនួសកន្លែងរបស់ ហ្គារ៉េត បារ៉ី (Gareth Barry) ដែលអាចនឹងចាកចេញពីក្លិបនៅរដូវកាលក្រោយ ។ គួររម្លឹកឡើងវិញថា Liverpool បានចំណាយប្រាក់ប្រមាណ ១៥ លានផោនដើម្បីនាំយក Allen មកកាន់ទឹកដី អ៊ែនហ្វៀល (Anfield) ហើយរូបគេជាកីឡាករដំបូងគេដែលគ្រូបង្វឹក រ៉ូជឺ (Rodgers) បានទិញនៅពេលលោកមកដឹកនាំ Liverpool ៕
