ភ្នំពេញ ៖ រថយន្តបាឡែនគ្មានស្លាកលេខ ពណ៌ទឹកប្រាក់ ជិះធ្វើដំណើរដោយបុរសបួននាក់ក្នុងខ្លួនមានជាតិស្រាស្រវឹងជោកជាំបានបើកតាមបណ្តោយផ្លូវភ្នំពេញហាណូយ ស្រាប់តែមកដល់ចំណុចមុខសាលាបង្រៀនបើកបរ៨មិនា ស្ថិតនៅក្នុងភូមិបុរីកម្មករ សង្កាត់ភ្នំពេញថ្មី ខណ្ឌសែនសុខ ក៏បានបុកពីក្រោយរថយន្តកូរ៉េ ២តោនកន្លះ ពណ៌ស្លែ មិនចាំស្លាកលេខ ដែលកំពុងឈប់ ចាំរថភ្លើងបើកឆ្លងកាត់ផ្លូវ ក្នុងទិសដៅស្របគ្នា ចំគូទរថយន្ដកូរ៉េខាងលើពេញមួយទំហឹងបណ្ដាលអោយរថយន្ដកាមរីឡែនខាងលើរងការខូចខាតផ្នែកខាងមុខស្ទើរទាំងស្រុង តែមិនបណ្ដាលមនុស្សរងរបួសទេ ។
ដែលហេតុការនេះកើតឡើងកាលពីវេលាម៉ោង២និង ៣០នាទីថ្ងៃទី៣ខែមិនា ឆ្នាំ២០១៤ស្ថិតនៅក្នុងសង្កាត់ភ្នំពេញថ្មី ខណ្ឌសែនសុខ។ក្រោយពេលកើតហេតុរថយន្ដកូរេបើករត់គេចបាត់ស្រមោលនៅសល់តែរថយន្ដកាមរីខាងលើនៅកន្លែងកើតហេតុ ហើយម្ចាស់ទូរស័ព្ទហៅរថយន្ដស្ទូចយកទៅផ្ទះវិញ៕
