កំពង់ស្ពឺ ៖ កាលពីរសៀលថ្ងៃទី ០២ ខែតុលា ឆ្នាំ២០១៤ នៅសាលស្ទីឌីភាពយន្ត ខេត្តកំពង់ស្ពឺ រៀបចំវេទិកាសាធារណៈ ថ្នាក់ខេត្តស្ដីពី ការបើកចំហរព័ត៌មានសាធារណៈ និងដោះស្រាយបញ្ហារបស់ប្រជាពលរដ្ឋ ដើម្បីដំណើរឆ្ពោះទៅរកអភិបាលកិច្ចល្អ ក្នុងខេត្តកំពង់ស្ពឺ ។
ការរៀបចំកម្មវិធីវេទិកាសាធារណៈ ថ្នាក់ខេត្តនេះ ឧបត្តម្ភដោយសមាជិកព្រឹទ្ធសភាព នៃភូមិភាគទី៧ ព្រះរាជាណាចក្រកម្ពូជា អង្គការ API អង្គការម្លប់បៃតង និងអង្គការជីវិតថ្លៃថ្នូរ ដែលមានអ្នកចួលរួម សរុប ៣២៤ នាក់ ដែលមានការចូលរួម សមាជិកព្រឹទ្ធសភាភូមិភាគទី៧ គណៈអភិបាលខេត្ត ប្រធានសមាគម ក្រុមប្រឹក្សាក្រុង ស្រុក ឃុំ សង្កាត់ ថ្នាក់ដឹកនាំនៃមន្ទីរ
អង្គភាពពាក់ព័ន្ធជុំវិញខេត្ត ។
លោកអ៊ូ សំអួន អភិបាលខេត្ត កំពង់ស្ពឺ បានថ្លែងក្នុងអង្គវេទិកាថា ក្នុងរយៈ ០៧ ខែកន្លងទៅ ដោយគិតពីខែមីនា ដល់ខែកញ្ញា ឆ្នាំ២០១៤ ខេត្តបានរៀបចំវេទិកាសាធារណៈបានចំនួន ៧២ លើក វត្តមានចូលរួម ១១.០៦៤ នាក់ ស្រី ៥.០៥៩ នាក់ និងទទួលបានបញ្ហាប្រឈម និងសំណូមពរផ្សេងៗចំនួន ២៩២ករណី ក្នុងនោះបានដោះស្រាចប់ចំនួន ៧៨ សំណូមពរ ស្មើនឹង ២៦,៧១% កំពុងដោះស្រាយ ១៥៧ សំណូមពរ ស្មើនឹង ៥៤% និងមិនទាន់បានដោះស្រាយ
ចំនួន ៥៧ សំណូមពរ ស្មើនឹង ១៩,៥២% ។ អភិបាលខេត្តបានថា ដំណើការ នៃវិស័យ ព័ត៌មាន វាជាវិស័យមួយដ៏សំខាន់មួយក្នុងគោលការណ៍គ្រឹះ នៃការអនុវត្តន៍លទ្ធិប្រជាធិបតេយ្យ ដោយឆ្លុះបញ្ចាំងនូវឆន្ទៈ របស់ប្រជាជន តម្រូវការប្រជាពលរដ្ឋ និងបញ្ហាជាច្រើនដែលពួកគាត់កំពុងជួបនៅមូលដ្ឋាន ដើម្បីឆ្លើយតបបានទៅនឹងសេចក្តីត្រូវការរបស់ប្រជាជន ឱ្យបានទាន់ពេលវេលា ហើយរួមវិភាគទានដោះស្រាយបាននូវបញ្ហាបន្ទាន់នានា ដែលប្រជាជនជួបប្រទះ នៅក្នុងជីវភាពប្រចាំថ្ងៃ ស្របពេលដែលរដ្ឋបាលខេត្ត កំពុងតែព្យាយាម និងសម្រប
ខ្លួនឱ្យស្របទៅនឹងការអភិវឌ្ឍថ្មីៗរបស់ព្រះរាជាណាចក្រកម្ពុជា ។
លោកអភិបាលខេត្តបានបញ្ជាក់ថា ការបើកវេទិកាសាធាណៈនេះ មានសារៈសំខាន់ខ្លាំងណាស់ ដែលអាចឱ្យប្រជាពលរដ្ឋ និងអាជ្ញាធរ មានទំនាក់ទំនងគ្នា លើកយកបញ្ហា ដែលកំពុងជួបប្រទះ ក្នុងជីវភាពរស់នៅប្រចាំថ្ងៃ ដើម្បីឱ្យមន្ត្រីតាមជំនាញធ្វើការដោះស្រាយ ក្នុងនោះភាពអសកម្មរបស់មន្ត្រីថ្នាក់ក្រោម និងមូលដ្ឋានផងដែរ ។ ជាពិសេសរាល់បញ្ហានឹងត្រូវ
លើកឡើង ហើយយើងត្រូវរកវិធីដោះស្រាយជួនពួកគាត់ភ្លាមៗ ដើម្បីបង្កើនភាពសិទ្ធរវាងមន្ត្រីជាមួយពលរដ្ឋ ក្នុងការអនុវត្តន៍ លទ្ធិប្រជាធិបតេយ្យ សេរីភាពបញ្ចេញមតិ តម្លាភាព ឆ្ពោះទៅរកដំណើរអភិបាលកិច្ចល្អ ក្នងសង្គមជាតិទាំងមូល ៕
