ក្រុងប៉ោយប៉ែត៖
សន្ទុះពលករនៅតែសម្រុកចេញទៅថៃ ដូចភ្លៀងរលឹមតែមានអ្នកអស់លុយរាប់ពាន់បាត
ហើយទៅមិនបាន ព្រោះប៉ូលិសខ្មែរទាលុយទាលុយចេញចូលដូចព្យុះ ឯសមត្ថកិច្ចថៃវិញនោះ
ទាថ្លៃលេខរៀងចូលធ្វើបណ្ណ័ក្នុងម្នាក់ៗ៣០០បាត បើអ្នកណាគ្មានលុយជូនទេ គឺគេរុញអោយ
មកដីខ្មែរវិញភ្លាមៗតែម្តង។
សូមបញ្ជាក់ដែលថា គេបានសង្គេតឃើញពលករខ្មែរកំពុងសម្រុកចេញទៅប្រទេសថៃ កាលពី
ព្រឹកថ្ងៃទី០២ និង០៣ ខែតុលា ឆ្នាំ២០១៤នេះ តាមរយះការធ្វើបរដឺផាស ចេញពីប៉ូលិសអន្តោរ
ប្រវេសច្រកទ្វារតែម្តង ហើយពលករទាំងនោះ នាំគ្នាបន្តដំណើរចេញទៅប្រទេសថៃចាប់ពី
ម៉ោង៦ ០០នាទីព្រឹក រហូតដល់ម៉ោង១១ថ្ងៃត្រង់ ទើបចេញអស់ពីច្រកទ្វារអន្តរជាតិខ្មែរ
តែម្តង។
សូមរំលឹកដែលថា ក្រោយពេលបុណ្យភ្ជុំបិណ្ឌនាថ្ងៃទី២៣ ខែកញ្ញា ឆ្នាំ២០១៤កន្លងទៅ គឺគេ
សម្គល់ឃើញថា មានពលករខ្មែររាប់ម៉ឺនអ្នកសម្រុកចេញទៅប្រទេសថៃវិញ តាមច្រករបៀង
ដោយចំណាយថវិការជូនប៉ូលិសតាមច្រករបៀងក្នុងម្នាក់ៗចំនួន២០០០ទៅ៣០០០បាត ទើប
អាចចេញទៅបាន ឥឡូវនេះមានពលករខ្លះសុខចិត្តនាំគ្នាសម្រុកចេញតាមច្រកទ្វារអន្តរជាតិ
វិញដោយធ្វើបរដឺផាសមានរយះពេលត្រឹម២ខែប៉ុណ្ណោះ ចេញពីប៉ូលិសអន្តោរប្រវេសដោយ
អស់ថវិកាក្រោម៣០០០បាត ទើបចេញទៅបានសព្វថ្ងៃនេះ។
មានពលរដ្ឋជាច្រើន ដែលបានសម្រុកចេញទៅប្រទេសថៃនោះ បានបញ្ជាក់ថា មុនពេលដែល
ពួកគាត់ចេញទៅប្រទេសថៃខាងប៉ូលិសបំពេញបែបបទវាយត្រាចេញគេទា១០០បាត ពេល
ទៅដល់ច្រកទ្វារខ្លងឡឹកថៃ គេទា៣០០បាតថ្លៃកាន់លេខរៀង បើជនណាមិនព្រមអោយតាម
ការទាមទាររបស់គេទេនោះ គឺគេរុញអោយមកក្រោយវិញ ពលករខ្មែរបន្តទៀតថា កាលពីមុន
ខាងថៃមិនបានយកលុយថ្លៃចុះលេខរៀងនោះទេ ឥឡូវគេអោយកម្មករខ្មែរដែលបានធ្វើការ
អោយបុក្តលឹកថៃច្រកទ្វារប៉ោយប៉ែតខ្លងឡឹកជាអ្នកទាលុយវិញ ពលករដ៏ដែលបន្តទៀតថា នៅពេលដែលពួកគាត់ត្រូវថៃដេញមកវិញ គឺត្រូវបានប៉ូលិសច្រកទ្វារទាលុយវាយត្រាចូល
ចំនួន១០០បាតម្តងទៀត ពលរដ្ឋខ្មែរបញ្ជាក់ទៀតថា ឥឡូវនេះខាងថៃនិងប៉ូលិសខាងកម្ពុជា
កំពុងនាំគ្នាជាន់កពួកគាត់ពេញទំហឹងទៅហើយ គេបានបន្តទៀតថា ពួកគាត់ចេញតាមច្រក
របៀងក៏ខុសច្បាប់ ទៅតាមច្រកទ្វារអន្តរជាតិក៏អស់លុយ វាមិនខុសពីចុះទឹកប្រពើ ឡើងលើ
ជួបខ្លា ចូលផ្សារជួបប៉ូលិសនោះឡើយ ពលរដ្ឋទាំងនោះសំណូមពរដល់ថ្នាក់លើ មេត្តាជួយស
ម្រួលដល់ពួកគាត់ផង តើត្រូវអោយពួកគាត់ទៅផ្លូវណាវិញទើបជៀសផុតពីការគាបសង្កត់
របស់មន្ត្រីខាងលើនោះ។
ទាក់ទិនក្នុងករណីខាងលើនោះដែរ ត្រូវបានលោកអានវណ្ណះ ប្រធានស្នាក់ការច្រកទ្វារអន្តរ
ជាតិប៉ោយប៉ែត បានប្រាប់កម្ពុជាថ្មីតាមទូរស័ព្ទថា រឿងរ៉ាវទាំងអស់នេះខាងលោកក៏បានទទួល
ពត៏មានហើយ ប៉ុន្តែលោកត្រូវដាក់អង្គហេតុនេះបញ្ចូលក្នុងរបាយការណ៏សម្រាប់រាយការណ៏
ជូនទៅសាលាខេត្តដើម្បីមានវិធានការទៅមន្ត្រី មន្ទីការងារខេត្តនាពេលខាងមុខនេះ លោក
អានវណ្ណះបញ្ជាក់ទៀតថា រឿងប៉ូលិសយកលុយវាយត្រាចេញចូលនោះ គឺគេត្រូវធ្វើអឹចឹង
ដើម្បីកំណត់ទៅលើបែបបទចេញចូលអោយបានច្បាស់លាស់ ហើយទង្វើរនេះគឺវាមានយូ
ណាស់មកហើយ ធ្វើបែបណាក៏វាមិនអស់ដែរ ប៉ុន្តែទួសជាយ៉ាងណាក៏ដោយ គឺលោកត្រូវតែ
យករឿងនេះទៅរាយការណ៏ជូនខេត្តជាបន្ទាន់ ដើម្បីជួយសម្រួលជូនពលករខ្មែរយើងដែល
ទៅថៃស្របច្បាប់ទៅដោយគ្មានបញ្ហាត៏ទៅទៀតនោះ៕
