​​សម្ពោធ​ដាក់អោយ​ប្រើប្រាស់ នូវ​បង្គន់​អនាម័យ ដែលជា​ជំនួយ​ឧបត្ថម្ភ​ពី​ស្ថានទូត​សហរដ្ឋអាមេរិក ប្រចាំ​កម្ពុជា​

​ខេត្ត​ព្រះសីហនុ​ៈ​ ​បង្គន់​អនាម័យ​មួយ​ខ្នង​ស្មើនឹង ០៥​បន្ទប់ ដែលជា​ការជួយឧបត្ថម្ភ​របស់​ស្ថានទូត​សហរដ្ឋអាមេរិក​ប្រចាំ​នៅ​កម្ពុជា​ជូន​ដល់​សិស្សានុសិស្ស​សាលាបឋមសិក្សា​សម្តេច ជា ស៊ីម ស្ថិតក្នុង​សង្កាត់​លេខ ២ ក្រុងព្រះសីហនុ ត្រូវ​បានដាក់​សម្ពោធ​បើក​ឲ្យ​ប្រើប្រាស់​ជា​ផ្លូវការ​កាលពី​ថ្ងៃទី​០២ ខែតុលា ឆ្នាំ​២០១៤ ក្រោម​អធិបតីភាព​លោក អ៊ឹង និ​បុ​ណ្ណា អនុប្រធាន​អប់រំ យុវជន និង កីឡា ខេត្ត​ព្រះសីហនុ ​លោក ម៉ៃ ក្ខៃ​ក្ខា (MIKE GUAIGUA) តំណាង​ស្ថានទូត​អាមេរិក ប្រចាំ​នៅ​កម្ពុជា បានអោយដឹងថា បង្គន់​អនាម័យ​មួយ​ខ្នង​មាន ៥​បន្ទប់ បំពាក់​ដោយ​សំភារៈ និង​ស៊ីទែន​ទឹក​ចំណុះ ២០០០​លីត្រ ចំនួន​១ ចំណាយ​ថវិការ​អស់​ចំនួន ២​ម៉ឺន​ដុល្លារ​អាមេរិក បានចាប់ផ្តើម​សាងសង់​កាលពី​នៅ​ថ្ងៃទី​១៤ ខែ សីហា និង បញ្ចប់​នៅ​ថ្ងៃទី​២៩ ខែកញ្ញា ឆ្នាំ​២០១៤ ។

បង្គន់​អនាម័យ​នេះ​សាងសង់​ជា​លើក​ទី​១ ក្នុង​បេសកម្ម​រយៈពេល ៦​ខែ របស់​ក្រុម​វិស្វកម្ម​កងទ័ពជើងទឹក​ស​ហ​រដ្ឋ​អាមេរិក N.M.C.B លេខ ៤ នៅក្នុង​ប្រទេស​កម្ពុជា ​ ​លោក អ៊ឹង នី​បុ​ណ្ណា អនុប្រធាន​មន្ទីរអប់រំ​យុវជន និង​កីឡា​ខេត្ត​ព្រះសីហនុ បាន​មាន​ប្រសា​ស​ន៏​លែងអំណរ​គុណ​ចំពោះ​ស្ថានទូត​សហរដ្ឋអាមេរិក និង​កងវិស្វកម្ម​កង​ទ័ពជើងទឹក​សហរដ្ឋ​អាមេរិក​ដែល​បាន​ជួយឧបត្ថម្ភ​សាងសង់​នូវ​បង្គន់​អនាម័យ​មួយ​ខ្នង ស្មើនឹង ០៥​បន្ទប់​ក្នុង​លាបឋមសិក្សា​សម្តេច​ជា ស៊ីម ដែល​បានដាក់​សម្ពោធ​អោយប្រើ​ប្រាស់ នៅពេលនេះ​គឺ​ពិតជា​មាន​អត្ថ​ប្រ​យោ​ជ​ន៏ និង​មានតម្លៃ​ក្នុង​ការជួយ​ថែរក្សា​អនាម័យ និង​ថែទាំ​សុខមាលភាព​ដល់​ក្មួយៗ សិស្សានុសិស្ស ក៏ដូចជា​ការកែលំអ​ប​រិ​ស្ថាន​របស់​សាលាបឋមសិក្សា​សម្តេច ជា ស៊ីម ផងដែរ ។​

​ ​លោក​ក៏បាន​បន្តទៀតថា ស​មិ​ទ្ឋិ​ផល​ថ្មី​នេះ គឺ​ពិត​ជាមាន​លក្ខណៈ​រឹងមាំ ពិសេស​ដែលជា​ការចូលរួម​វិភាគទាន​ដ៏​សំខាន់​ក្នុងការ​រួមចំណែក​អភិវឌ្ឍ​ន៏​វិស័យ​អប់រំ បណ្តុះបណ្តាល​ធនធានមនុស្ស​អោយ​កាន់តែ​ប្រសើរ ស្របតាម​ខ្លឹមសារ​របស់​រដ្ឋធម្មនុញ្ញ​នៃ​រះរាជាណាចក្រ​កម្ពុជា ក៏ដូចជា​គោលនយោបាយ និង ផែនការ​យុ​ទ្ឋ​សាស្ត្រ​ចតុកោណ​របស់​រាជរដ្ឋាភិបាល​កម្ពុជា ក្នុងការ​កាត់បន្ថយ​ភាពក្រីក្រ របស់​ប្រជាពលរដ្ឋ ។​
​ ​បន្ទាប់មក​ក​គណៈអធិបតី ក៏បាន​ប្រគល់​លិខិត​ថ្លែងអំណរគុណ​ជូន​ដល់​តំណាង​ស្ថានទូត​អាមេរិក​ប្រចាំ​នៅ​កម្ពុជា និង​បាន​អញ្ជើញ​កាត់​ខ្សែ​បូជា​និមិត្តរូប​ដាក់អោយ​ប្រើប្រាស់​ជា​ផ្លូវការ​ចាប់ពី​នូវ​បន្ទន់​អនាម័យ​ប្រកបដោយ​បរិយាកាស​រី​រាយ ព្រមទាំង​ចែកជូន​នូវ​សម្ភា​រះ​សិក្សា​ដល់​សិស្សានុសិស្ស​ផងដែរ ៕​ ​ ​ ​ ​ ​ ​
​