កំពង់ធំៈ ពិធីសំណេះសំណាលសមាជិកសមាជិកាគណៈបក្ស ប្រជាជនកម្ពុជា នៅក្នុងឃុំបន្ទាយស្ទោង ក្រោមអធិបតីភាព ឯកឧត្តម សោម ស៊ុន សមាជិកគណៈអចិន្ត្រៃគណៈ កម្មាធិការបក្សខេត្ត អនុប្រធានក្រុម ការងារចុះជួយស្រុកស្ទោង និងជា
ប្រធានក្រុម ការងារចុះជួយឃុំបន្ទាយស្ទោង បានប្រកាសសមាសភាពក្រុមការងារចុះជួយតាមបណ្តាភូមិ នៅក្នុងឃុំបន្ទាយស្ទោង ចំនួន១១៤នាក់។បន្ទាប់ពីលោក សូត្រ អ៊ុល ប្រធាន
គណៈកម្មការបក្ស ឃុំបន្ទាយស្ទោង បានមានមតិស្វាគមន៍ រួចមក លោកម៉ៅ សារាធន៍ នួន គឹមអាង មន្ត្រីក្រុមការងារ ចុះជួយឃុំបន្ទាយស្ទោង បានអានសេចក្តីសម្រេច លេខ០០១ ចុះថ្ងៃទី ១២ ខែ សីហា ឆ្នាំ ២០១៤ និងសេចក្តីសម្រេចលេខ៤៣ ចុះថ្ងៃទី ៣០កញ្ញា ឆ្នាំ ២០១៤ របស់ក្រុមការងារថ្នាក់កណ្តាល ស្តីពីការបែងចែកសមាសភាពចុះជួយឃុំ ដើម្បីទទួលខុសត្រូវ ការងារបក្សនៅក្នុងឃុំ បន្ទាយស្ទោង ។
ឯកឧត្តម សោម ស៊ុន ប្រធានក្រុមចុះជួយឃុំបន្ទាយស្ទោង បានមានប្រសាសន៍ កោតសរសើរចំពោះការខិតខំ យកចិត្តទុកដាក់របស់ មន្ត្រីការងារមូលដ្ឋាន និងប្រធានគណបក្សភូមិ ដែលបានបំពេញភារៈកិច្ច និងទទួលបានលទ្ធផលល្អប្រសើរ តាមការណែនាំរបស់ក្រុមការងារបក្ស ក្នុងនោះដែរឯកឧត្តម បានផ្តាំផ្ញើរបន្ថែម ឲ្យមន្ត្រីគណបក្សមូលដ្ឋាន
ទាំងអស់ខិតខំបន្ថែមទៀត និងសាមគ្គីផ្ទៃក្នុង ចុះជួយដល់ប្រជាពលរដ្ឋ ដោះស្រាយបញ្ហានៅក្នុងមូលដ្ឋាន រក្សាមិត្តភាពជិតស្និទ្ធជាមួយប្រជាពលរដ្ឋ ដើម្បីជាទំនុកចិត្តរបស់ប្រជាពលរដ្ឋ ជាចុងក្រោយឯកឧត្តម សោម ស៊ុន បានឧបត្ថម្ភ ថវិកា៦៥ម៉ឺនរៀល ជូនដល់គណៈបក្សឃុំ ដើម្បីចាត់ចែង ការងារ ។ ដោយ ប៊ុន រដ្ឋា
