ភ្នំពេញ៖ រថយន្ត២គ្រឿង ១គ្រឿងម៉ាកឡិចស៊ីស RX 300 បើកបរយ៉ាងលឿនដល់ចំណុចផ្លូវកែងមិនបន្ថយ ល្បឿន ក៏ជ្រុលបុកគ្នាពេញទំហឹង មួយរថយន្តមួយគ្រឿងទៀតម៉ាក តាកូម៉ាពេញទំហឹង កាលពីវលេម៉ោង២៤ នឹង ៣០ នាទីរំលងអាធ្រាត្រឈានចូលថ្ងៃទី ០៣ខែមិនា ឆ្នាំ ២០១៤ នៅចំណុចភ្លើងស្តុបទួលទំពុង ផ្លូវលេខ ៤៣២ កែងផ្លូវលេខ ១៦៣ សង្កាត់ទួលទំពូងទី ១ ខណ្ឌមានជ័យ ។
យោងតាមប្រភពព័ត៌មានពីសាក្សីដែលបានឃើញហេតុការណ៍នេះបានឲ្យដឹងថាមុនពេលកើតហេតុ រថយន្តតាកូម៉ា ពណ៌ស្លែ ពាក់ស្លាកលេខ បើកបរដោយបុរសម្នាក់ធ្វើដំណើរតាមបណ្តោយផ្លូវលេខ ៤៣២ ទិសដៅពីកើតទៅលិចក្នុងល្បឿនយ៉ាងលឿន លុះដល់ចំណុចផ្លូវកែងមិនបន្ថយល្បឿនក៏ជ្រុលទៅបុកចំក្បាលរថយន្តឡិចស៊ីសRX 300 ពណ៌ស ពាក់ស្លាកលេខ កំពុងបើកបរធ្វើដំណើរតាមផ្លូវលេខ ១៦៣ ទិសដៅពីជើង ទៅត្បូង ពេញទំហឹង បណ្តាលឲ្យរថយន្តឡិចស៊ីសវិលមួយជុំ ខ្ទាតបុកឡើងទៅលើឃឿន រងការខូចខាតទាំង ស្រុង នឹងបណ្តាលឲ្យនារីម្នាក់ដែលរួមដំណើរក្នុងរថយន្តឡិចស៊ីសត្រូវរងរបួសបែកក្បាល ។ ចំណែក រថយន្តតា កូម៉ា ក៏ត្រូវបុកផ្ទប់នឹងបង្គោលភ្លើងស្តុបរងការខូចខាតធ្ងន់ធ្ងរផងដែរ ។
សមត្ថកិច្ចមូលដ្ឋានបានបញ្ជាក់ថាក្រោយកើតហេតុសមត្ថកិច្ចមូលដ្ឋាន នឹងនគរបាលចរាចរណ៍ខណ្ឌ ចំការមន សហការជាមួយនគរបាលជំនាញចុះវែងអូសយកទៅរក្សាទុកនៅការិយាល័យចរាចរផ្លូវគោករាជធានី ភ្នំពេញរង់ចាំនាពេលក្រោយ។ សមត្ថកិច្ចបង្ហើបថាគ្រោះថ្នាក់ចរាចរណ៍ខាងលើបង្កឡើងដោយសារភាគីម្ចាស់ រថយន្តទាំង២គ្រឿងទំនងស្រវឹងស្រា ហើយបើកបររថយន្តក្នុងល្បឿនលឿនគ្មានការយោគយល់ អធ្យាស្រ័យ គ្នា ទើបបណ្តាលឲ្យជួបគ្នាចរាចរណ៍ខាតបង់ពេលវេលា នឹងបំផ្លាញទ្រព្យសម្បត្តិផ្ទាល់ខ្លួនបែបនេះ៕
