ត្បូងឃ្មុំ៖ ប្រជាពលរដ្ឋចំនួន៣៨នាក់ កំពុងសម្រាកព្យាបាលជម្ងឺនៅមន្ទីរពេទ្យបង្អែកស្រុកក្រូចឆ្មារ បានទទួលអំណោយ ពីគណៈអភិបាលស្រុកក្រូចឆ្មារ និងព្រះអនុគណស្រុកក្រូចឆ្មារ នៅព្រឹកថ្ងៃទី៦ ខែតុលា ឆ្នាំ២០១៤នេះ ។
លោក ស្រេង លី គណៈអភិបាលស្រុកក្រូចឆ្មារ និង ព្រះសិរីសោម ងន់ ថេង ព្រះអនុគណស្រុកក្រូចឆ្មារ បានមានប្រសាសន៍ និង ថេរដីការ ថា នេះគឺជាការសាមគ្គីគ្នាយ៉ាងល្អ រវាងផ្នែក អាណាចក្រ និង ពុទ្ធចក្រ រួមគ្នាផ្តល់ជាអំណោយដល់ពលរដ្ឋ ដែលមានជម្ងឺហើយបានមកសម្រាកនៅមន្ទីរពេទ្យនេះ រួមមាន៣៨នាក់ ដែលក្នុងម្នាក់ៗ ទទួលបាន -មុង -ខ្នើយ -កន្ទេលជ័របត់ -ភួយ -បំពង់ទឹកក្តៅ -មី -ទឹកក្រូច -ត្រីខ -ទឹកស៊ីអ៊ីវ -ប្រេងកូឡា -អង្ករ -ស្ករស -ថ្នាំ -ច្រាស
ដុសធ្មេញ -កាធុនជ័រ និងថវិការចំនួន ៤ម៉ឺនរៀល ផងដែរ ។
លោក ស្រេង លី គណៈអភិបាលស្រុកបានមានប្រសាសន៍ថា សូមឲ្យអ្នកជម្ងឺទាំងអស់ឆាប់ជា និងធ្វើតាមការណែនាំរបស់លោកគ្រូ អ្នកគ្រូពេទ្យ ហើយសូមឲ្យបងប្អូននាំគ្នាទៅចុះឈ្មោះ
បោះឆ្នោតឲ្យបានគ្រប់ៗគ្នា ។
ព្រះសិរីសោម ងន់ ថេង ព្រះអនុគណស្រុកក្រូចឆ្មារ បានមានព្រះថេរដីការបញ្ជាក់ដែរថា អំណោយនេះបានមកពី ការចូលរួម ពីសហការី និង គ្រូចៅអធិការវត្តចំនួន៨វត្តដែលបានចូលរួម នឹងផ្តល់ជូនប្រជាពលរដ្ឋរបស់យើង ដើម្បីជួយសម្រួលក្នុងជីវភាពឲ្យបានប្រសើរឡើង ៕
