កំពង់ស្ពឺ= ឡានដឹកថ្មប្រភេទយីឌុបជាច្រើនគ្រឿងបានជាប់ផុងពេញកណ្តាលផ្លូវ កណ្តាលស្ថិតក្នុងភូមិ ញ សង្កាត់កណ្តោលដុំក្រុងច្បារមន ខេត្តកំពង់ស្ពឺខណះ ក្រុមអាជ្ញាធរពាក់ពន្ធ័មួយមិនបានទៅអើតមើលករណីនេះដោយខ្លាចពលរដ្ឋ ចំអកដាក់ ពីព្រោះពួកគាត់បានទទួលរង ការហុយកាលពីខែប្រាំង លុះដល់ខែ វស្សាក្រុមដឹកថ្ម របស់លោកអ្នកមានទាំងនោះនៅតែបំផ្លាញផ្លូវនេះស្ទើដើរលែង រួចហើយ ។
ករណីឡានយីឌុបជាច្រើនគ្រឿងជាប់ផុងកណ្តាលក្រុងច្បារមននេះ បានកើត ឡើងនៅ ថ្ងៃទី១០ខែ១០ឆ្នាំ២០១៤ ក្នុងភូមិ ញដែលមានពលរដ្ឋ ឈមើលត្រៀប ត្រា និងបានសើចចំអកឡកឡើយដាក់ ក្រុមឡានដែលបានដឹកបំផ្លាញរកលេខ ដាក់គ្មានទាំងនោះ ថាជាជនដែលគិតពីផលប្រយោជន៏ផ្ទាល់ខ្លួន មិនគិត ប្រយោជន៏រួម ។
តាមសម្តីរបស់ប្រជាពលរដ្ឋដែលរស់នៅក្នុងភូមិនិងមានមុខរបលក់ដូរជាប់ផ្លូវបាននិយាយរីះគន់យ៉ាងចាស់ដៃដល់អស់លោកមេឃុំនិងចៅហ្វាយក្រុងនិងជាពិសេសលោកប្រធានមន្ទីរសាធារណះការខេត្តថាពេលមានការចុះផ្សាយរបស់សារពត៏មានទើបឃើញក្រុមអាជ្ញាធរទាំងនេះបានបើកភ្នែកអើតរមកមើលពួកគាត់ខ្លះៗតែរឿងផ្លូវដែលធ្លាប់ហុយពេលនេះដល់វេនជាប់ផុងស្ទះឡានរាប់សិបគ្រឿងស្ទើដើរលែងរួចបែរជាមិនឃើញមានមុខអស់លោកមកអើតមើលបើទោះជាពួកគាត់បានប្រឹងស្រែកឲ្យឮអាជ្ញាធរបានឭដោយផ្ទាលមាត់ជាញឹកញាប់បែបណាក៏ដោយក៏គ្មាននយ័ដែរ។
អ្នកភូមិបាននិយាយទៀតថាសព្វថ្ងៃមានក្រុមហ៊ុន២គឺក្រុមហ៊ុនសិលារតនះនិងក្រុមហ៊ុនលីឈួងបានប្រើប្រាស់ផ្លូវនេះស្ទើរដាច់មុខហើយដែលខែប្រាំងគេបាន ស្រោចទឹកតាមគោលការណ៏ដែលបានកំណត់តែការស្រោចធ្វើឲ្យតែបាន។ ហើយក្រុមហ៊ុនគិតតែពីដឹកដែលប្រើប្រាស់ឡានធំៗដែលមានទ្រង់ខ្ពស់រាប់រយគ្រឿងក្នុងមួយថ្ងៃខែប្រាំងហុយមកលើលំនៅដ្ឋានពួកគាត់រកកន្លែងហូបបាយមិនកើតនិងរកកន្លែងដេកមិនឃើញ ។លុះដល់ខែវស្សានេះឡានទាំងនេះបាន បំផ្លាញផ្លូវខ្ទេចខ្ទី ត្រង់ផ្លូវកែង ដែលធ្វើឲ្យស្ទះចរាចរណ៏រាប់ម៉ោងគេមិនបាន ឃើញក្រុមអាជ្ញាធរបើកភ្នែកមើលសោះ ។
ពួកគាត់បានលើកឡើងថាបើពីមួយថ្ងៃទៅមួយថ្ងៃក្រុមហ៊ុននៅតែបន្តធ្វើបែបនេះ ពួកគាត់ព្រមានថានិងធ្វើញ្ញាតិផ្ញើជូនលោកអភិបាលខេត្តដើម្បីកោះហៅក្រុមហ៊ុនទាំងអស់ផ្អាកសកម្មភាពឬឲ្យបើកមកកាត់មុខសាលាខេត្តម្តងព្រោះវាមិនផុង ដោយសារតែផ្លូវបានក្រាលកៅស៊ូហើយ។
កន្លងមកកម្ពុជាថ្មីធ្លាប់ទទួលបានពត៏មានថាខាងក្រុមហ៊ុនបានព្រមជាមួយសាលាខេត្តជួសជុលផ្លូវនេះឲ្យទៅជាផ្លូវក្រាលកៅស៊ូ។តែខាងក្រុមហ៊ុនតំរ៉ូវឲ្យសាលាខេត្តជួយចេញថ្លៃកៅស៊ូហើយក្រុមហ៊ុនជាអ្នកចេញថ្លៃជួសជុលទាំងស្រុង។តែរឿងនេះខាងសាលាខេត្តនៅមិនទាន់បានទំលាយចេញជាសាធារណះនៅឡើយទេ។តែអ្វីជាខកចិត្តរឿងផ្លូវនេះមួយថ្ងៃៗកាន់តែយ៉ាប់ឡើងៗហើយប្រជាពលរដ្ឋ សុំឲ្យមានការជួសជុលឲ្យបានឆាប់ៗផងព្រោះពិបាកដើរខ្លាំងណាស់៕
