សៀមរាបថ្ងៃទី ១៣ ខែ តុលា ឆ្នាំ២០១៤ គឺជាថ្ងៃដែលសិស្សានុសិស្សថ្នាក់ទី១២ គ្រប់វិទ្យាល័យនៅទូទាំង ព្រះរាជាណាចក្រកម្ពុជា ប្រឡងបញ្ចប់នូវមធ្យមសិក្សាទុតិយភូមិលើកទី២ ដើម្យីយកសញ្ញាប័ត្រមធ្យមសិក្សាទុតិយភូមិ ដោយឡែកនៅខេត្តសៀមរាបក៏មានការចុះត្រួតពិនិត្យបើកកេ
វិញ្ញាសារប្រឡង នៅគ្រប់មណ្ឌលប្រឡងទាំង៥ក្នុងខេត្តសៀមរាបក្រោមវត្តមានចូលរួមរបស់លោកនូ ផល្លាប្រធានក្រុមប្រឹក្សាខេត្តលោកពិតចំណានរដ្ឋលេខាធិការក្រសួងអប់រំយុវជននិងកីឡានិង ជាប្រធានគណៈមេប្រយោគទូទាំងប្រទេសប្រចាំខេត្តសៀមរាបលោកប៊ុនថាប្ញទ្ធិអភិបាលស្តីទីខេត្តសៀមរាប វត្តមានថ្ងៃនោះដែរក៏មានការនិមន្តនិងអញ្ជើញចូលរួមពីសំណាក់លោកលោកស្រីជាអភិបាលរង នៃគណៈអភិបាលខេត្តសៀមរាបមន្ត្រីអង្គភាពប្រឆាំងអំពើពុករលួយនិងអ្នកស្ម័ត្រចិត្តសង្កេតការណ៍ នៅតាមមណ្ឌលប្រឡងទាំង៥ផងដែរ ។
តាមសេចក្តីរាយការណ៍របស់លោក អ៊ុង សិរីឌី ប្រធានមន្ទីរអប់រំ យុវជន និង កីឡាខេត្ត បានឲ្យ ដឹងថា ក្នុងការប្រឡងសញ្ញាប័ត្រមធ្យមសិក្សាទុតិយភូមិលើកទី២នៅទូទាំងខេត្តសៀមរាប ឆ្នាំ២០១៣-២០១៤នេះ មាន ០៥មណ្ឌល ដែលមាន ១៤៥បន្ទប់ មានសិស្សសរុប៣ពាន់៦០១នាក់ស្រី១ពាន់៧៧០នាក់ ។
សូមបញ្ជាក់ផងដែរថាថា ក្នុងសម័យប្រឡងសញ្ញាប័ត្រមធ្យមសិក្សាទុតិយភូមិលើកទី១សម្រាប់មណ្ឌលសៀមរាបគឺមានសិស្សចូលរួមប្រឡងចំនួន៥ពាន់៥៦៤នាក់មាន៨មណ្ឌលដោយ បែងចែកជាមណ្ឌលវិជ្ជាសង្គម ០៥មណ្ឌល និង វិជ្ជាពិត ០៥មណ្ឌលដែលមាន ២២១បន្ទប់ក្នុងនោះវិជ្ជាសង្គមមាន១១១បន្ទប់វិជ្ជាពិត១៣៥បន្ទប់។
លទ្ធផលប្រឡងសញ្ញាបត្រមធ្យមសិក្សាទុតិយភូមិលើកទី១ឆ្នាំ២០១៣.២០១៤នៅមណ្ឌលសៀមរាប មានសិស្សប្រឡងជាប់ចំនួន១ពាន់៥១៦នាក់ស្រី៨៥៥នាក់ ស្មើនឹង២៧,៦៧%ក្នុងនោះមានសិស្សដែលប្រឡងបាននិទ្ទេស A ចំនួន២នាក់ផងដែរ។
ក្នុងពិធីបើកកេសវិញ្ញាសារប្រឡងនោះយើងសង្កេតឃើញលោកលោកស្រី ប្រធានក្រុមប្រឹក្សាខេត្តគណៈអភិបាលខេត្ត ក៏បានធ្វើការណែនាំ និង ផ្តាំផ្ញើមួយចំនួន ដល់លោកគ្រូអ្នកគ្រូ ជាអនុរក្ស និងមេប្រយាគព្រមទាំងក្មួយៗសិស្សានុសិស្សទាំងពីរភេទដោយបញ្ជាក់ថា ការប្រឡងនេះជាលើកទី២ហើយក្នុងការវាស់ស្ទង់នូវរាល់កម្រិតចំណេះដឹងរបស់ក្មួយៗបានខិតខំសិក្សារៀនសូត្រ នៅមធ្យមសិក្សាទុតិយភូមិ ហើយក៏ជាការឈានចូលទៅសិក្សានៅកម្រិតថ្នាក់មហាវិទ្យាល័យ សកលវិទ្យាល័យបន្តទៀត ម្យ៉ាងទៀតវិញ្ញាសារប្រឡងដែលក្មួយៗបានធ្វើការពិនិត្យនាពេលនេះក្រសួងអប់រំក៏មិនបានធ្វើឲ្យមាន បញ្ហាអ្វីចេញទៅក្រៅឡើយ គឺ មានតែក្មួយៗទាំងអស់ បានឃើញក្នុងពេលប្រឡងតែប៉ុណ្ណោះ ហើយសូមរក្សានូវវិន័យ គោរពនូវលក្ខន្តិកៈក្នុងពេលប្រឡងឲ្យបានល្អ។
ក្នុងនោះលោកប្រធានក្រុមប្រឹក្សាខេត្តគណៈអភិបាលខេត្ត ក៏បានក្រើនរំលឹក ចំពោះលោកគ្រូ អ្នកគ្រូដែលជាអនុរក្សមេប្រយោគនិងកម្លាំងសន្តិសុខ នៅគ្រប់មណ្ឌលប្រឡងទាំងអស់ ត្រូវយកចិត្តទុកដាក់ឲ្យបានខ្ពស់ និង ទប់ស្កាត់ឲ្យបាន នូវរាល់ការហូរចូលរាល់ការ បោះវិញ្ញាសារចេញ និង ចូល ដើម្បីធានានូវគុណភាពនែការបណ្តុះបណ្តាលនូវធនធានមនុស្សដោយ ក្មួយៗសិស្សានុសិស្សក្នុងការប្រឡងលើកទី២នេះឲ្យបានទទួលជោគជ័យដោយក្មួយៗគឺជាក្តីសង្ឃឹមនិង ជាទំពាំងស្នងឬស្សី ដែលជាសរសស្តម្ភដ៏រឹងមាំរបស់ប្រទេសជាតិទៅពេលអនាគត៕
