កំពង់ឆ្នាំង៖ នៅថ្ងៃទី១៣ ខែតុលា ឆ្នាំ២០១៤នេះគេ សង្កេតឃើញការរៀបចំការប្រឡង សញ្ញាប័ត្រទុតិយភូមិលើកទី២របស់ប្អូនៗសិស្សានុសិស្សដែលបានប្រឡងធ្លាក់កាលពីសម័យប្រឡងសញ្ញាប័ត្រទុតិយភូមិលើកទី១នោះ នៅមណ្ឌលទាំង៤របស់ខេត្តកំពង់ឆ្នាំងគឺនៅតែមានការរឹតបណ្តឹងយ៉ាងខ្លាំងដដែល ខណៈក្រសួងអប់រំយុវជននិងកីឡាធ្វើការរឹត បន្តឹង ដើម្បីចំរាញ់យកគុណភាពនៃធនធានមនុស្សនៅកម្ពុជា។
នៅក្នុងព្រឹកថ្ងៃទី១៣ ខែតុលា ឆ្នាំ២០១៤នេះ ឯ.ឧ ឈួរ ច័ន្ទឌឿន អភិបានៃគណៈ អភិបាលខេត្តកំពង់ឆ្នាំងបានអញ្ជើញជាអធិបតីក្នុងការបើកប្រអប់វិញ្ញាសាប្រឡងក្នុងបន្ទប់ លេខ១៥នៃមណ្ឌលវិទ្យាល័យព្រះបាទសុរាម្រឹត ដែលមានលោក លោកស្រីជាគណៈកម្ម ការ មេប្រយោគ អ្នកសង្កេតការ នៃអង្គភាពប្រឆាំងអំពើពុករលួយជាច្រើននាក់ទៀតបាន ចូលរួមផងដែរ។
ទិដ្ឋភាពនៅខាងក្រៅមណ្ឌលប្រឡងវិញ យើងឃើញថាមានសភាពស្ងប់ស្ងាត់ល្អ ដោយមិនឃើញមានសាច់ញាតិបងប្អូនរបស់បេក្ខជនប្រឡង មកធ្វើអោយរំខានដល់ការ ប្រឡងដូចឆ្នាំមុនៗនោះឡើយ។ចំណែកនៅក្លោងទ្វារមណ្ឌលប្រឡងវិញ គណៈកម្មការ ទាំង អស់បានរឹតបណ្តឹងដោយធ្វើការត្រួតពិនិត្យចាប់ពីដងខ្លួនរហូតដល់ចុងជើងគ្រប់ បេក្ខ ជនទាំង២ភេទ ដើម្បីឆែកឆេររកនូវប្រុយយ៉ុងដែលបេក្ខជនលួចលាក់បន្លំដាក់តាមខ្លួន តាម ចង្កេះ តាមជើង ខោខ្លី និងកន្លែងផ្សេងទៀត។
ដោយឡែកទិដ្ឋភាពនៅខាងក្នុងមណ្ឌលប្រឡងវិញ យើងឃើញថាបេក្ខជនទាំងអស់បាននាំគ្នាចូលរង់ចាំវិញ្ញាសាប្រឡងនៅតាមបន្ទប់រៀងៗខ្លួន ដោយមានគណៈកម្មការត្រួតពិនិត្យការប្រឡង អនុរក្ស អ្នកអង្កេតការណ៍នៅខាងក្រៅបន្ទប់នីមួយៗផងដែរ។នៅ មុខមណ្ឌលទាំង៤នេះ សកម្មភាពធ្វើចរាចរណ៍រតាមផ្លូវជាតិរបស់បងប្អូនប្រជាពលរដ្ឋ គឺ មានភាពរលូន
ជាធម្មតា មិនមានការកកស្ទះចរាចរណ៍នោះឡើយ។នៅក្នុងខេត្តកំពង់ ឆ្នាំង បានចែកចេញជា៤មណ្ឌល និងមាន៩២បន្ទប់ ហើយនៅក្នុងមណ្ឌលវិទ្យាល័យព្រះបាទសុរាម្រឹតមាន៦៥បន្ទប់ មណ្ឌលអនុវិទ្យាល័យគំរូក្រុងមាន៦បន្ទប់ និងមណ្ឌលវិទ្យាល័យក្រុងកំពង់ឆ្នាំងមានចំនួន២១បន្ទប់។
នៅពេលបើកប្រអប់វិញ្ញាសារប្រឡងនាព្រឹកនេះ លោកអភិបាលខេត្តបានធ្វើការផ្តាំ ផ្ញើរបេក្ខជននិងបេក្ខនារីដែលត្រូវប្រឡងថ្ងៃនេះថា៖ត្រូវយកចំណេះដឹងផ្ទាល់ខ្លួន មកប្រ ឡង ព្រោះប្រទេសជាតិយើងត្រូវការចាំបាច់នូវធនធានមនុស្សដែលមានសមត្ថភាពពិត
ប្រាកដដើម្បីអភិវឌ្ឍន៍ប្រទេសជាតិយើងអោយរីកចំរើនរុងរឿងទៅអនាគត៕
