កំពង់ធំ ៖ នៅក្នុងស្រុកស្ទោង មានប្រារព្វពិធីពិធីគោរពវិញ្ញាណក្ខន្ធព្រះករុណា ព្រះបាទសម្តេចព្រះនរោត្តមសីហនុ មានមន្ត្រីសាលាស្រុក និងកងកម្លាំងគ្រប់ស្ថាប័ន គ្រប់ជំនាញព្រមទាំងព្រះសង្ឃនិមន្ត៥០០អង្គនិងប្រជាពលរដ្ឋចូលរួមរាប់ពាន់នាក់ នៅ
ព្រឹកថ្ងៃទី១៥ ខែតុលា ឆ្នាំ២០១៤ ដើម្បីជាការឧទ្ទិសដល់ដួងព្រះវិញ្ញាណក្ខន្ធ ព្រះករុណា ព្រះបាទសម្តេចព្រះនរោត្តម សីហនុ គម្រប់ខួប២ឆ្នាំ។
ប្រជាពលរដ្ឋខ្មែរគ្រប់រូប នៅតែចង់ចាំចានិច្ច នូវស្នាដៃដែលបានមកពីការតស៊ូ ដោយមិនខ្លាចនឿយហត់ ដើម្បីប្រជាពលរដ្ឋ របស់ព្រះករុណា ព្រះបាទសម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ ដែលព្រះអង្គបានយាងចូលទិវង្គត កាលពីថ្ងៃទី១៥ ខែតុលា ឆ្នាំ ២០១២ នៅទីក្រុងប៉េកាំង សាធារណរដ្ឋប្រជាមានិតចិន បានធ្វើឲ្យប្រជាពលរដ្ឋខ្មែរទាំងអស់ ក៏ដូចជារាជរដ្ឋាភិបាល
យកថ្ងៃទី១៥ ខែតុលា ជារៀងរាល់ឆ្នាំ ជាថ្ងៃរំលឹកគម្រប់ខួប ព្រះបរមរតនកោដ្ឋរបស់ព្រះករុណា ព្រះបាទសម្តេចព្រះនរោត្តម សីហនុ ព្រះមហាវីរក្សត្រខ្មែរ ព្រមទាំងបង្គាប់ឲ្យប្រជាពលរដ្ឋ មន្ត្រីរាជការ កងកម្លាំងគ្រប់ស្ថាប័ន ចូលរួមពិធីគោរពវិញ្ញាណក្ខន្ធ ឧទ្ទិសដល់ដួងព្រះវិញ្ញាណក្ខន្ធព្រះករុណាព្រះបាទសម្តេចព្រះនរោត្តម សីហនុ។
ពិធីគោរពវិញ្ញាណក្ខន្ធ បានប្រារព្ធឡើងក្រោមព្រះរាជាធិបតីភាព លោក ព្រឹម រដ្ឋា អភិបាលស្រុកស្ទោង រួមទាំងថ្នាក់ដឹកនាំ បានប្រារព្វពិធីបង្សកូល និងផ្សាយមេត្តាធម៌ រាប់បាតព្រះសង្ឃចំនួន៥០០អង្គ គោចរណ៍ក្នុង បរិវេណវត្តឈើទាល ស្ថិតភូមិឈើទាល ឃុំកំពង់ចិនត្បូង ស្រុកស្ទោង ខេត្តកំពង់ធំ ដោយមានការអានជីវប្រវត្តន៍របស់ ព្រះករុណា ព្រះបាទសម្តេចព្រះនរោត្តម សីហនុ ដោយលោក ព្រឹម រដ្ឋា អភិបាលស្រុកស្ទោង។
នៅក្នុងទិដ្ឋភាពនៃពិធីបុណ្យ ប្រជាពលរដ្ឋរាប់ពាន់នាក់ បានអញ្ជើញចូលរួម ដោយស្លៀកសំពុត និងអាវសរ បានសម្តែងនូវទឹកមុខក្រៀមក្រំ ដោយក្តីអាឡោះអាល័យនៃពិធីគោរពវិញ្ញាណក្ខន្ធ ទោះជាព្រះកុរណាព្រះករុណា ព្រះបាទសម្តេចព្រះនរោត្តម សីហនុ ទោះជាព្រះអង្គបានយាងចូលទិវង្គត ទៅហើយក្តី ក៏អំពើល្អរបស់ ព្រះអង្គបានដក់ជាប់នៅក្នុងក្រអៅបេះដូងរបស់ ប្រជាពលរដ្ឋខ្មែរ គ្រប់រូប ព្រមទាំងបាន ឧទ្ទិសដល់ដួងព្រះវិញ្ញាណក្ខន្ធ របស់ព្រះអង្គទៅកាន់ឋានសួរ ហើយបែរក្រោយឲ្យពរ ប្រទេសជាតិរីកចំរើន និងកូនចៅបាន សេចក្តីសុខ ជួបតែសុខសន្តិភាព។ ដោយ ប៊ុន រដ្ឋា
