សៀមរាប៖ ឯកឧត្តម ភូ សំអាត សមាជិកក្រុមប្រឹក្សាខេត្តបានអញ្ជើញជាអធិបតីភាពកាត់វិញ្ញាសារប្រឡងសញ្ញាប័ត្រមធ្យមសិក្សាទុតិយភូមិឬបាក់ឌុប (BaccII) ឆ្នាំ២០២៤ ត្រូវបានកាត់នៅវេលាម៉ោង៧.០០នាទីព្រឹក នៅក្នុងសាលាបឋមសិក្សាវត្តស្វាយ ស្ថិតនៅក្នុងសង្កាត់សាលាកំរើក ក្រុងសៀមរាប ខេត្តសៀមរាប និងដំណើរការប្រឡងនៅវេលាម៉ោង ៧.៣០នាទី នាថ្ងៃទី៨ ខែតុលា ឆ្នាំ ២០២៤ ។
ការបើកវិញ្ញាសារប្រឡង ដោយមានមន្ត្រីថ្នាក់ដឹកនាំក្រសួង ថ្នាក់ខេត្ត អង្គភាពACU ប្រចាំការត្រួតពិនិត្យ ២២រូប រួមទាំងស្ថាប័នពាក់ព័ន្ឋ រួមទាំងកម្លាំងសមត្ថកិច្ចប៉ូលិស ជួយសម្រួលនិងការពារសុវត្តិភាព សន្តិសុខ សណ្តាប់ធ្នាប់ ក្នុងខេត្តសៀមរាបទាំងមូលមាន ១៦មណ្ឌលប្រឡង ដោយឡែកនៅក្នុងសាលាវត្តស្វាយ មាន៣មណ្ឌលប្រឡង ស្ថិតនៅក្នុងសង្កាត់សាលាកំរើក ក្រុងសៀមរាប និងខេត្តសៀមរាប ចំណែក វិញ្ញាសាប្រឡង មានផែនដី និងបរិស្ថានវិទ្យា ចាប់ពីម៉ោង៧.៣០ដល់៨.៣០ មានយះពេល៦០នាទី និងវីញ្ញាសារទី២ ប្រវត្តវិទ្យា ចាប់ពីម៉ោង៩.០០ដល់១០.៣០នាទីរយះពេល៩០នាទី។
ឯកឧត្ដម ភូ សំអាត បានណែនាំបន្ថែមអោយមន្ត្រីក្រសួង សមត្ថកិច្ច អាជ្ញាធរដែនដី ព្រមទាំងអ្នកពាក់ព័ន្ធ ត្រូវយកចិត្តទុកដាក់ខិតខំអនុវត្តលើការងារសន្តិសុខ រួមទាំងសណ្តាប់ធ្នាប់ ឲ្យទទួលបានល្អប្រសើរ ក្នុងការប្រឡងសញ្ញបត្រមធ្យមសិក្សាទុតិយភូមិ ឆ្នាំសិក្សា២០២៤ ដែលបានប្រារព្វធ្វើឡើង ចំនួន២ថ្ងៃគឺ ថ្ងៃទី៨-៩ ខែ តុលាឆ្នាំ២០២៤។
ឯកឧត្តម ភូ សំអាត បានណែនាំឲ្យក្មួយទាំងអស់ ប្រឹងប្រែងឲ្យអស់ពីកម្លាំងចិត្ត កម្លាំងកាយ ក្នុងការធ្វើវិញ្ញាសារប្រឡងនេះឲ្យទទួលបានជោគជួយទាំងអស់គ្នា ហើយក៏ជាកក្តីរំពឹងរបស់ឳពុកម្តាយ ពូមីងមា និងជាមោទនាភាពសម្រាប់ក្មួយក្នុងការប្រឹងប្រែងរៀនអស់រយះពេល១២ឆ្នាំមកនេះ សូមឲ្យក្មួយគិតពិចារណាឲ្យបានល្អិតល្អន់ កុំភ័យ កុំតក់ក្រហល់ ពិនិត្យសំណេរឲ្យច្បាស់ ទាំងសំនួរចម្លើយ និងជូនពរឲ្យក្មួយប្រឡងបានជោគជ័យទាំងអស់គ្មា ដោយ ប៊ុន រដ្ឋា
