កំពង់ស្ពឺ=ហេដ្ឋារចនាសម្ពនញធ័ផ្លូវជាតិនានាមិនថាតែផ្លូវជាតិលេខ៤នោះទេកំពង់ប្រឈមមុខនិងការ ខូចខាតជាបន្តបន្ទាប់បើសិនជាផ្លូវទាំងនោះមិន មានការ ថែទាំច្បាស់លាស់ស្របតាមស្តង់ដាទេ ដោយការខូចខាតទាំងនោះគឺបង្កឡើង ដោយសារជំនន់ទឹកភ្លៀង ដែលបញ្ហា នេះភាគច្រើន
បណ្តាលមកពីការអនុញ្ញាតិរាល់ការសាងសង់ នានា រាប់ទាំងការសាងសង់លំដ្ឋានរបស់បងប្អូនប្រជាពលរដ្ឋ ផងដែរ ។
យោងតាមការអង្កេតជុំវិញការលិចលង់ឬគ្រោះជំនន់ទឹកភ្លៀងនាពេលកន្លមកគេ តែងតែបានជួបដូចជា ការកកស្ទះសំរាមនៅតាមលូ មុខផ្ទះរបស់ប្រជាពលរដ្ឋ នៅតាមរោងចក្រនានាដែលបានសាងសង់តាមបណ្តោយផ្លូវជាតិនានា មិនបាន ដាក់លូឲ្យស្របតាមតំរ៉ូវការទឹកភ្លៀងឬមិនមានលូធំៗសម្រាប់រំដោះទឹក ម្យ៉ាង តាមផ្លូវចំនួននៅមិនទាន់បានដាក់លូសម្រាប់រំដោះទឹកភ្លៀងដែលជាហេតុបង្កជា គ្រោះទឹកជំនន់ទឹកភ្លៀង ដែលនាំឲ្យខូចខាតផ្លូវយ៉ាងដំណំ ។កត្តាដែលចាំបាច់មួយទៀតការសាងសង់លំនៅដ្ឋានផ្ទាល់ខ្លួន ដោយការចាក់ដី លុបប្រឡាយមេតូចៗដែលមានស្រាប់នៅតាមភូមិ បណ្តាល ឲ្យបិតមុខទឹក ស្ទើ គ្រប់កន្លែងនេះក៏ជាផលវិបាកយ៉ាងធ្ងន់ធ្ងរនាពេលអនាគតដែរ ។
ក្នុងនោះ ថែមទាំងការមិនយកចិត្តទុកដាក់ឬមើលរំលងពីសំណាក់អាជ្ញាធរមូល ដ្ឋានរាល់ ការចាក់លុបបឹង និង ត្រពាំងធម្ម ជាតិមួយចំនួនក្នុងតំបន់ការ សាង សង់ផ្ទះចាក់របងព័ទ្ធ លើប្រឡាយធម្មជាតិធ្វើកម្មសិទ្ធិនេះក៏ជាឬស្សគល់ នៃជំនន់ ទឹកភ្លៀងដែលនាំឲ្យខូចខាតទាំងងបរិស្ថាន និងហេដ្ឋារចនាសម្ពន្ធ័ផងដែរ។ដើម្បីជៀសវាងកត្តាទាំងនេះពលរដ្ឋគួរជៀសវាង កុំបោះសំរាមក្នុងប្រឡាយឬ ដាក់របស់របរផ្សេងៗក្នុងប្រឡាយដែលនាំឲ្យស្ទះ ត្រូវដាក់លូមុខកាត់ឲ្យបានធំៗ តាម មុខផ្ទះ កុំខុសលក្ខណៈបច្ចេកទេស ។ក្នុងនោះរាល់ការសាង សង់សំណង់ ផ្ទះល្វែង និងសំណង់បុរីនានា ឬការចាក់ដីខ្ពស់ជាងនីវ៉ូផ្លូវថ្នល់ ក៏ជាបញ្ហាដល់ ដំណើរការលំហូរទឹកដូច្នេះអាជ្ញាធរត្រូវត្រួតពិនិត្យឲ្យបានត្រឹមត្រូវកុំហៃអើឲ្យតែបានកំរ៉ៃចូលហោប៉ៅគិតតែពីអនុញ្ញាតិ ។
ក្នុងនោះប្រការដែលត្រូវទប់ស្កាត់ឲ្យខានតែបាន គឺគួរមានវិធានការចាំបាច់គ្រប់ គ្រងប្រជាពលរដ្ឋដែលរស់ក្នុងភូមិសាស្ត្រតំបន់ក្បែរខាងផ្លូវជាតិកុំឲ្យមានការលុបបឹងឬ ប្រឡាយធម្មជាតិមួយចំនួនក្នុង តំបន់ និងការបិទច្រកផ្លូវបង្ហូរទឹកនានា នាំប្រជាពលរដ្ឋ បានភ្ជាប់ប្រព័ន្ធបង្ហូរទឹកតៗគ្នាពីមួយទៅមួយ ភ្ជាប់មកតាម ប្រឡាយផ្លូវលំក្នុងភូមិ ដែលមានទឹសដៅហូរចាក់មកកាន់ ប្រឡាយក្បែរៗតំបន់ ពួកគាត់រស់នៅ ជៀសវាងនៅជំនន់ទឹកភ្លៀងដែលកើតមានស្ទើរាល់ឆ្នាំ ។
ប្រជាពលរដ្ឋគួរតែនាំគ្នាចូលរួមឲ្យបានសកម្មដើម្បីការពាររាល់គ្រោះទឹកជំនន់ដែលជាហេតុបង្កការខូចខាតគ្រប់ហេដ្ឋារចនាសម្ពន្ធ័ជាច្រើននិងជារាល់ឆ្នាំ ហើយក៏ លើកតម្កើននិងទប់ស្កាត់រាល់គ្រោះមហន្តរាយណ៏នានាដល់កូនចៅជំនាន់ក្រោយរបស់យើងគ្រប់ៗគ្នា ៕
