ខេត្តព្រះសីហនុ លោក សេង សុវណ្ណ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តព្រះសីហនុ មានប្រសាសន៌ថា មកដល់ចុងឆ្នាំ២០១៤នេះ ខេត្តព្រះសីហនុមានមន្ត្រីរាជការស៊ីវិល និងអតីតយុទ្ធជនចូលនិវត្តចំនួន ១.៨៧០នាក់ ក្នុងនោះមន្ត្រីរាជការស៊ីវិលមានចំនួន៧៤៥
នាក់ និងអតីតយុទ្ធជនចំនួន ១.១២៥នាក់ ដែលបាននឹងកំពុងបើកប្រាក់ឧត្តមប្រចាំខែនៅតាមធនាគារ ។ សម្រាប់មន្ត្រីរាជកាស៊ីវិលចូលនិវត្តបើកប្រាក់ប្រចាំខែមានចំនួន ១៨៦លាន៦០២ពាន់០៣០រៀល និងអតីតយុទ្ធជនបើកប្រាក់ប្រចាំខែចំនួន ២៧២លាន៣៣៧ពាន់៦២៧រៀល នៅតាមធនាគារ ។ លោកប្រធានមន្ទីរបានឪ្យដឹងបន្តទៀតថា សម្រាប់មន្ត្រីរាជការទទួលមរណះភាព ត្រូវបានបើកប្រាក់ផ្តាច់ចំនួន ១២ខែ គុណនឹងប្រាក់ដែលបានបើកប្រចាំខែ ចំណែកកូនកំពុងសិក្សា និងប្រពន្ធ័មានសុពលភាពបើកប្រាក់ខែបន្ត ។
ដោយឡែកអតីតយុទ្ធជនទទួលមរណះភាពត្រូវបានបើកប្រាក់ផ្តាច់ចំនួន២៤ខែ គុននិងប្រាក់ខែដែលបានបើកប្រចាំខែ ចំពោះកូនកំពុងសិក្សា និងប្រពន្ធមានសុពលភាពបើកប្រាក់ខែបន្តទៀត ។
លោកសេង សុវណ្ណ បន្តថា មន្ត្រីចូលនិវត្ត និងអតីតយុទ្ធជនចូលនិវត្តមានប្រាក់បៀវត្សមិនតិចជាង ៤២ម៉ឺនរៀលទេក្នុងមួយខែ បច្ចុប្បន្នមន្ត្រីចូលនិវត្ត និងអតីតយុទ្ធជនចូលនិវត្តបានបើកប្រាក់ខែរបស់ខ្លួននៅតាមធនាគារ មិនចាំបាច់មកបើកនៅមន្ទីរសង្គមកិច្ច ដូចពេលមុននោះទេ ។ ក្រៅពីការងារគ្រប់គ្រងដល់មន្ត្រីរាជការចូលនិវត្ត និងអតីតយុទ្ធជនចូលនិវត្ត មន្ទីរសង្គមកិច្ចក៌មានតួនាទីក្នងការជួយរកដីសម្បទានសេដ្ឋកិច្ច ជូនដល់អតីតយុទ្ធជនចូលនិវត្ត និងប្រជាពលរដ្ឋាក្រីក្រ ។
លោកប្រធានមន្ទីរបានបន្តទៀតថា នៅខេត្តព្រះសីហនុមានដីសម្បទានសង្គមកិច្ចចំនួន៧.២០០ហិកតា មានទីតាំងនៅភូមិ៤ ឃុំទំនប់រលកស្រុកស្ទឹងហាវ ខេត្តព្រះសីហនុ អាជ្ញាធរបានបានសាងសង់ផ្ទះថ្មគំរូតាមស្តង់ដារដូចគ្នាបានចំនួន៨០ខ្នង ក្នុងគម្រោងសាងសង់សរុប ១២០ខ្នង ផ្ទះទាំងនោះធ្វើអំពីបេតុង តំបូលប្រកស៊ីប្រូស៊ីម៉ងត៌ ផ្ទះនិមួយសង់លើផ្ទៃដី៣០ម៉ែត្រ គុណ៤០ម៉ែត្រ និងមានអណ្តូទឹកដើម្បីឪ្យពួកគាត់ប្រើប្រាស់ប្រចាំថ្ងៃទៀតផង ។ ផ្ទះទាំង៨០ខ្នងដែលបានសាងសង់រួចនោះ អាជ្ញាធរខេត្ត បានធ្វើការចាប់ឆ្នោតបែងចែកជូនដល់អតីតយុទ្ធជនចូលនិវត្តរួចរាល់ហើយកាលពីពេលកន្លងមក ។
លោក សេង សុវណ្ណ បន្តទៀតថា ក្រៅពីការបែងចែកដី និងផ្ទះដល់អតីតយុទ្ធជនចូលនិវត្ត មន្ទីរក៌មានគម្រោងរកដីបែងចែកឪ្យប្រជាពលរដ្ឋក្រីក្រគ្នានទីលំនៅច្បាស់លាស់ ដើម្បីឪ្យពួកគាត់មានផ្ទះសំបែងរស់នៅដូចប្រជាពលរដ្ឋផ្សេងទៀត ក្នុងការកាត់បន្ថយភាពក្រីក្ររបស់រាជរដ្ឋាភិបាលអាណត្តិទី៥ ដែលមានសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ធ្វើយ៉ាងណាចូលរួមកាត់បន្ថយភាពក្រីក្ររបស់ប្រជាពលរដ្ឋឪ្យបាន១%ក្នុងមួយឆ្នាំ ។
ក្រៅពីនោះមន្ទីរបានធ្វើជំរឿនទៅលើជនអនាថាក្នុងមួយឆ្នាំ២ដង ក្នុងខេត្តព្រះសីហនុមានជនអនាថាចំនួន៥៨នាក់ ដែលក្នុងនោះមានជនអនាថាជាគ្រួសារ ជនអនាថាពេញវ័យ និងកុមារកំព្រាអនាថា ក្នុងនោះមានជនវិកលចារឹតចំនួន៨នាក់ ជនពិការមាន ៧នាក់។ មន្ទីរបានសហការអាជ្ញាធរខេត្ត មន្ទីរ អង្គភាពពាក់ពន្ធ និងអង្កការម្លប់តាប៉ាងធ្វើការប្រមូលជនអនាថាក្នុងមួយខែ ០៤ដង ដើម្បីយកទៅដាក់នៅក្នុងមណ្ឌលអង្កការម្លប់តាប៉ាង និងអ្នកខ្លះយើងបញ្ជូនពួកគាត់ត្រឡប់ទៅផ្ទះសំបែងវិញដោយស្មគ្រ័ចិត្ត ព្រមទាំងចំណាយលើការដឹកជញ្ជូន ។
ការងារប្រមូលជនអនាថានៅក្នុងខេត្តព្រះសីហនុ គឺមិនសម្រេច១០០%នោះទេ ព្រោះយើងយកពួកគាត់ទៅកាន់គោលដៅហើយ និងក្មេងៗឪ្យចូលរៀនស្នាក់នៅក្នុងអង្កការម្លប់តាប៉ាង ក៌ប៉ុន្តែការងារនេះសម្រេចបានតែ ៦០%តែប៉ុណ្ណោះ ដោយសារពួកគាត់ត្រឡប់មកដើរសំទាននៅតាមតំបន់ឆ្មេរ និងទីប្រជុំជនក្នុងក្រុងព្រះសីហនុដដែល តែការងារនេះយើងនៅតែបន្តធ្វើដូចភ្លៀងរលឹម ។
