ស្ទឹងត្រែង៖ សំណូមពរ បន្ថែមទៅលើសំណង តាមគោលនយោបាយរបស់រាជរដ្ឋាភិបាល ជាថ្នូរនឹងការចាកចេញទៅរស់នៅទីតាំងថ្មី ហើយតំណាងក្រុមហ៊ុនសាងសង់ទំនប់នេះ បានសំរេចទទួលយក និងយល់ព្រមដោះស្រាយជូនប្រជាពលរដ្ឋ ទៅតាមសំណូមពរ។
នៅក្នុងកម្មវិធីដែលគណៈកម្មការ នៃអាជ្ញាធរខេត្តស្ទឹងត្រែងនិងថា្នក់ដឹកនាំក្រសួងពាក់ពន្ធ័ចុះផ្តល់ចម្លើយតបទៅនិងសំណូមពរដោះស្រាយ ផលប៉ះពីវ៉ារីអគ្គីសនីសាសានក្រោមពីរជូនប្រជាពលរដ្ឋនៅឃុំក្បាលរមាសស្រុកសេសានថ្ងៃទី២៦ វិច្ឆិកាឆ្នាំ២០១៤លោកក្រុ យួរ ជនជាតិភ្នងតំណាងឲ្យប្រជាពលរដ្ឋនៅក្នុងឃុំនេះ បានលើកឡើងថាពួកគាត់ទទួលយកគោលនយោបាយដោះស្រាយនេះ ដើម្បីនាំគ្នាចូលរួមធ្វើឲ្យសង្គមជាតិ មានការអភិវឌ្ឍន៏រីកចំរើនប្រជាពលរដ្ឋ មានកន្លែងរស់នៅល្អជីវភាពធូរធារប្រសើឡើង។
លោកបន្តថាក្រៅពីដំណោះស្រាយបានចែងនៅក្នុងសៀវភៅគោលនយោបាយនោះ ប្រជាពលរដ្ឋស្នើសុំឲ្យក្រុមហ៊ុនជួយទៅ លើការរៀបចំពិធីសែនព្រេនដូនតា នូវពេលចេញនិងចូលទៅនៅទីលំនៅថ្មី ខ្ញុំសូមបន្ថែមមួយថាដល់ទីតាំងថ្មីនេះ មានរយៈពេលរបស់វាដែរពេលនោះ រស់នៅរយៈពេលបីឆ្នាំនៅទីថ្មីណាស់បីឆ្នាំគេដំណើរកាសែនព្រេនចេញពីនេះ ទៅកន្លែងណាក៏ដោយត្រូវតែក្របី១ជ្រូក១ កន្លែងឬថ្មីហ្នឹង ស.ខ្មៅ.ជ្រូក.ស.ខ្មៅ ដែររយៈពេលបីឆ្នាំបានធ្វើអាហ្នឹងសែនព្រេនថាសុំនិយាយឲ្យខ្លីទៅសុំសេចក្តីសុខតកូនតចៅរស់នៅឲ្យបានសុខដមរម្យនាកុំឲ្យមានកម្មពៀរវេរាណោះចេះៗសោះនោះណា។
លោក អ៊ីវ វ៉ាន់កៅ តំណាងក្រុមហ៊ុនសាងសង់វ៉ារីអគ្គីសនីសាសានក្រោមពីរបានលើកឡើងថាក្រុមហ៊ុន មិនធ្វើឲ្យបងប្អូនណាម្នាក់ខកចិត្តនោះទេ តែសូមឲ្យបងប្អូន ទាំងអស់មានការស្រុះស្រួលនិងយោគយល់គ្នាទៅវិញទៅមកទទួលយកសំណងទៅតាមគោលនយោបាយរបស់រាជរដ្ឋាភិបាល។
លោកបានអះអាងថាក្រុមហ៊ុនទទួលយកសំណូមពរថ្មីៗទៀតដែលប្រជាពលរដ្ឋបានស្នើឡើង ពាក់ពន្ធ័ទៅការស្នើសុំឲ្យមាន ការរៀបចំទៅតាមប្រពៃណីនោះ ក្រុមហ៊ុន និងជួយដោះស្រាយជូនទៅតាមការស្នើសុំរាល់ប្រពៃណីហ្នឹងយើងគាំទ្រយើងសម្របសម្រួលយើងឯកភាពទៅលើរូបភាពហ្នឹង ហើយចំពោះការចាត់ការចំណាយអីហ្នឹងមានក្រុមការងារចុះមកសម្របសម្រួលជាមួយចាស់ទុំក្នុងភូមិជាមួយអាជ្ញាធររបស់ឃុំក្បាល់រមាសផ្ទាល់ជជេកគ្នាអំពីចំណាយឲ្យសមហេតុផលយើងទទួលយកបាន។
លោក ឈាងឡាក់អភិបាលរងខេត្តមានប្រសាសន៏ថាៈក្នុងនាមគណៈកម្មការដោះស្រាយលោក និងជំរុញឲ្យក្រុមហ៊ុនត្រូវពន្លឿនការអនុវត្តផែនការនេះ ហើយក្រុមការងារផ្សេងៗទៀតនិងទៅ រៀបចំទីកន្លែងរស់នៅថ្មីជូនប្រជាពលរដ្ឋ ដើម្បីឲ្យឃើញសកម្មភាពដោះស្រាយជាក់ស្តែងជាបណ្តើរៗចៀសវាងសន្យាហើយមិនបានធ្វើ។
ពាក់ពន្ធ័ទៅនិងការទទួលយកគ្រប់តាមសំណូមពរនេះដែរ លោក អភិបាលរងខេត្តក៏បានស្នើសុំឲ្យបងប្អូនប្រជា ពលរដ្ឋទាំងអស់ត្រូវស្តាប់ តាមអាជ្ញាធរភូមិឃុំដែលខ្លួនរស់នៅដើម្បីយើងងាយស្រួលរកដំណោះស្រាយរួម កុំធ្វើឲ្យមានការរាំងស្ទះដល់ការដោះស្រាយផលប៉ះពាល់នេះ ដំណើរទៅមានភាពខ្វែងគំនិតគ្នានោះ។
