គ្រូបង្វឹកក្លិបអធិរាជស Real Madrid លោក Carlo Ancelotti បានបញ្ជាក់ថា លោកមានចំណាប់អារម្មណ៍ ចង់ទិញយកតារាបាល់ទាត់អន្តរជាតិបារាំងរបស់ក្លិបសេះបង្កង់ Juventus កីឡាករ Paul Pogba ។
កីឡាករយុវជនវ័យ ២០ ឆ្នាំរូបនេះបានបង្ហាញពីទម្រង់លេងយ៉ាងល្អចាប់តាំងពីផ្លាស់មក Juventus នៅឆ្នាំ ២០១២ ក្រោយពេលចាកចេញពីបិសាចក្រហម Manchester United ហើយរូបគេកំពុងមានការទាក់ទង ជាមួយ ក្លិប Real Madrid នៅប៉ុន្មានសប្តាហ៍ថ្មីៗនេះ ។
លោក Ancelotti ប្រាប់សារវិទ្យុ RMC ថា “Pogba ជាកីឡាករដ៏ល្អម្នាក់ហើយគេនឹងមានអនាគតល្អ ខ្ញុំចង់បានរូបគេ” ។
ទន្ទឹមជាមួយគ្នានោះ លោក Ancelotti ក៏បានបង្ហើបឲ្យដឹងថាផងដែរថា លោកកំពុងតែធ្វើការទាក់ទងជាមួយ កំពូលខ្សែប្រយុទ្ធអន្តរជាតិស៊ុយអែតគឺ Zlatan Ibrahimovic ផងដែរ ៕
