កំពង់ឆ្នាំង៖ គ្រួសារសមាជិកសមាគម អតីតយុទ្ធជនកម្ពុជាចំនួន ០៨ គ្រួសារ កាលពីរសៀលថ្ងៃទី២៩ ខែវិច្ឆិកា ឆ្នាំ២០១៤ បានមកទទួលថវិកាបេឡាមរណសង្គ្រោះពីសមាគមអតីតយុទ្ធជនកម្ពុជា ដែលបាន ធ្វើឡើង នៅមន្ទីរសង្គមកិច្ចអតីតៈយុទ្ធជននិងយុវនីតិសប្បទាខេត្ត ក្រោមអធិបតីភាព
លោក ហ៊ួត សកលប្រធាននាយកដ្ឋាន សវនកម្មផ្ទៃក្នុងនៃក្រសួងសង្គមកិច្ច អតីតយុទ្ធជននិងយុវនីតិសប្បទា និងមានចូល ពីមន្ត្រីសាម៉ីមន្ទីរនិងគ្រួសារសមាជិកសមាគមជាច្រើនរូបទៀត។
លោក ថោង ចំរើន ប្រធានមន្ទីរសង្គមកិច្ចអតីតយុទ្ធជន និងយុវនីតិសប្បទាខេត្ត បានលើកឡើង ថា៖ រាជរដ្ឋាភិបាលកម្ពុជា ដែលមានសម្តេចមហាអគ្គសេនាបតីតេជោ ហ៊ុន សែននាយករដ្ឋមន្ត្រីនៃព្រះ រាជជាណាចក្រកម្ពុជា និងជាប្រធានសមាគមអតីតៈយុទ្ធជនកម្ពុជា ដែលជានិច្ចជាកាលបានយកចិត្តទុកដាក់ យ៉ាងខ្លាំងដល់ជីវភាពរស់នៅប្រចាំថ្ងៃ របស់បងប្អូនអតីតយុទ្ឋជន និងគ្រួសារដោយបានអនុវត្តគោលនយោបាយជាតិ ចំពោះអតីតយុទ្ឋជនដោយការគោរពដឹងគុណូបការៈ ដ៏ថ្លៃថ្លា របស់បងប្អូនចំពោះជាតិមាតុភូមិ និងប្រជាជន ជាមួយនិងការយកចិត្តទុកដាក់ដោះស្រាយជីវភាពខាងសម្ភារៈថវិកាជាបន្តបន្ទាប់ ព្រមទាំងផ្តល់កិតិ្តយស ការគោរព និងការថែរក្សារសេចក្តីថ្លៃថ្នូ ជូនអតីតយុទ្ឋជន។
គ្រួសារសពសមាជិកសមាគមដែលបានមកទទួលប្រាក់ឧបត្ថមនៅពេលនេះមានចំនួន០៨គ្រួសារក្នុងនោះមាន ក្រុងកំពង់ឆ្នាំង២គ្រួសារ ស្រុករលាប្អៀរ៣គ្រួសារ ស្រុកទឹកផស១គ្រួសារ និងស្រុកសាមគ្គីមានជ័យ២គ្រួសារ ដោយក្នុងមួយគ្រួសារទទួលបានប្រាក់ ចំនួន៤លានរៀល ពីបេឡាមរណៈសង្គ្រោះ។
លោក ហ៊ួត សកល ប្រធាននាយកដ្ឋាន សវនកម្មផ្ទៃក្នុង នៃ ក្រសួងសង្គមកិច្ច អតីតយុទ្ធជននិង យុវនីតិសម្បទាមានប្រសាសន៍ថា៖លោកសូមជូលរួមរំលែកទុក្ខ ពីសំណាក់ក្រុមគ្រួសារសពអតីតយុទ្ឋជនទាំងអស់ និងពិសេសបងប្អូនដែលមកទទួលថវិការមរណៈសង្គ្រោះនៅពេលនេះ ហើយក៏សុំអភ័យទោស ផងដែរ ចំពើការយឺតយ៉ាវក្នុងការប្រគល់ប្រាក់នេះ ប៉ុន្តែទន្ទឹមនិងការយឺតយ៉ាវនេះ យើងបានពន្លឿនការផ្តល់ប្រាក់បានឆាប់ជាមុន និងបន្តអោយកាន់តែលឿនជាងនេះទៀត ព្រោះកាលមុនខ្លះចាំដល់៤ឆ្នាំ ក្រោយមកនៅសល់តែ២ឆ្នាំ និងសព្វថ្ងៃនៅសល់ត្រឹមមួយឆ្នាំយើងបានទទួលប្រាក់បេឡានេះហើយ។
លោកបានលើកឡើងថាៈ សមាគមន៏បង្កើតឡើងមានការគាំទ្រយ៉ាងខ្លាំងក្លាពីរាជរដ្ឋភិបាល ពិសេស សម្តេច ហ៊ុន សែនដែលសម្តេចក៏ជាអតីតយុទ្ឋជនម្នាក់ ធ្លាប់ឆ្លងកាត់ការលំបាក គ្រប់បែបយ៉ាង ហេតុនេះហើយលោកមិន ភ្លេចពីទុកលំបាករបស់បងប្អូនឡើយ ។លោកក៏បានផ្តាំផ្ញើរដលក្រុមគ្រសារសមាជិកសមាគម ដែលបាន មកទទួលថវិការមរណៈសង្គ្រោះថា៖ សូមបងប្អូនទទួលរាប់អោយបាន ត្រឹមត្រូវ និងយកទៅប្រើប្រាស់អោយចំគោលដៅ ដើម្បីជាគោលប្រយោជន៏ ក្នុងការដោះបន្ទុកផ្សេងៗ តាមការចាំបាច់នៅក្នុងគ្រួសាររបស់ខ្លួន។ម្យ៉ាងវិញទៀត សូមបងប្អូនរក្សាទុកនូវសាលកបត្រ័ ទទួលប្រាក់នេះអោយបានត្រឹមត្រូវព្រោះសម្រាប់ជាប្រយោជន៏ច្រើនណាស់សម្រាប់បងប្អូនទៅថ្ងៃក្រោយ។
លោក ហ៊ួត សកល ក៏បានផ្តាំផ្ញើរដល់ថ្នាក់ដឹកនាំមន្ទីរ មន្ត្រីនិងសមគមត្រូវអនុវត្តតាមគោលនយោ បាយសមាគមអោយបានត្រឹមត្រូវ។ត្រូវត្រួតពិនិត្យមុខសញ្ញាសមាជិកសមាគម ដែលបានទទួលមរណៈនិងត្រូវសហការជាមួយបេឡាជាតិក្នុងការប្រមូលប្រាក់បេឡាមរណៈសង្គ្រោះពីសមាជីក រួចបង់ជូន គណៈ អចិន្ត្រៃយ៏ គណៈកម្មាធិការកណ្តាល ស.អ.ក អោយទាន់ពេលវេលា៕
