កំពង់ធំ=កិច្ចប្រជុំផ្សព្វផ្សាយ ពីការចុះតំលៃភ្លើងអគ្គិសនីនៅក្នុងស្រុកស្ទោងបានប្រព្រឹត្ត ទៅនៅព្រឹក ថ្ងៃទី៨ ខែធ្នូ ឆ្នាំ២០១៤ ក្រោមអធិបតិយភាព ឯឧត្តម អ៊ុត សំអន អភិបាលខេត្តកំពង់ធំ ឯឧត្តម គង់វិមាន អភិបាលរង ខេត្ត ឯកឧត្តម ហង្ស ថុល មេបញ្ចាការកងរាជអាវុធហត្ថខេត្ត មន្ដ្រីតំបន់ប្រតិបត្តិការសឹករងខេត្ត និងមានការចូលរួមពីរក្រុមប្រឹក្សា ខេត្ត ក្រុមប្រឹក្សា ស្រុក ឃុំ អាជីវករ ប្រជាពលរដ្ន ជាង ២០០នាក់ នៅភោជនីយដ្ឋាន ម៉ាកាវ ស្ថិតនៅក្នុងស្រុកស្ទោង។
លោកព្រឹម រដ្ឋា អភិបាលស្រុក ស្ទោងបានមានប្រសាសន៍ពាក់ព័ន្ធទៅនិងតំលៃភ្លើងអគ្គិសនី និងបញ្ហា មួយចំនួនដែលកើតឡើងយ៉ាងរកាំរកុះកន្លងមក និង បានអស់គុណដល់គណះអភិបាល ខេត្ត ជាពិសេសឯកឧត្តមអ៊ុត សំអនដែលបានជួយធ្វើអោយ តំលៃភ្លើងអគ្គិសនីចុះថ្លៃហើយ ប្រជាពលរដ្នអាចទទួលយកបាន នូវតំលៃយ៉ាងសមរម្យ។
ឯកឧត្តម អ៊ុតសំអន អភិបាលខេត្តកំពង់ធំបានមានប្រសាសន៍សំណេះសំណាល ជាមួយបងប្អូនប្រជាពលរដ្ន អាជីវករជុំវិញនៃអង្គប្រជុំស្ដីពីរការផ្សព្វ ផ្សាយក្នុងការបញ្ចុះតំលៃភ្លើងអគ្គិសនី នៅក្នុងស្រុកស្ទោងដែលកន្លងមកមានតំលៃថ្លៃ ភ្លើងដាច់ញឹកញាប់ ធ្វើអោយឆេះខូចខាតឧបករណ៍ផ្សេងៗ , ការដាក់ឧបករណ៍មិនសមាមាត្រ ទៅនិង កំលាំងភ្លើង វ៉ាត់ វ៉ុល ភ្លើងខ្សោយ ឡើងចុះដែលងាយ និង ផ្ទុះឆេះ ដាច់ រាល់ឧបករណ៍ ផ្សេងៗ ដែលធ្វើអោយប៉ះពាល់ 
ដល់អារម្មណ៍បងប្អូន ប៉ះពាលដល់ជីវភាពរស់នៅរបស់ប្រជាពលរដ្នក្រីក្រ ទទឹមនិងនោះក៏បានសំណូម អោយអ្នកបច្ចេកទេស រៀបចំបំពាក់ឧបករណ៍ប្រើប្រាស់ណាដែលសមាមាត្រទៅនិងឧបករណ៍ប្រើប្រាស់ក្នុងផ្ទះនិងមានឧបករណ៍សំរាប់ការពារការផ្ទុះឆេះ និងសុំអោយការប្រើប្រាស់ ភាសាសំដីសំដៅអោយបានសមរម្យ រវាងម្ចាស់ភ្លើងនិងអាជីវករដែលជាអ្នកប្រើប្រាស់ភ្លើង ។
ឯកឧត្តមគង់វិមាន អភិបាលរងខេត្តបានមានប្រសាសន៍ថា តំលៃកាលពីមុនមានតំលៃ២៨០០រៀល ក្នុង១គីឡូវ៉ាត់ តែចាប់ពីខែ ធ្នូ ឆ្នាំ២០១៤នេះ ភ្លើងមានតំលៃត្រឹមតែ១៦០០រៀលក្នុង១គីឡូវ៉ាត ដូច្នេះការផ្សព្វផ្សាយ ពីការបញ្ចុះតំលៃភ្លើងនេះធ្វើអោយបងប្អូនអាជីវករ ក៏ដូចជាប្រជាពលរដ្នមានសេចក្ដីត្រេកអរជាពន្ធពាកព្រមទាំងបាន អស់គុណដល់ ក្រុមប្រឹក្សាខេត្ត ក្រុម ប្រឹក្សា
ស្រុកជាពិសេស ឯកឧត្តម អ៊ុត សំអន អភិបាលខេត្តកំពង់ធំ ឯកឧត្តមគង់វិមានដែលតែងតែយកចិត្តទុកដាក់រាល់ការ លំបាក់របស់ ប្រជាពលរដ្ន សមស្រប ទៅនិងប្រមុខរាជរដ្នាភិបាល ដែលតែង យកចិត្តទុកដាក់លើជីវភាព ក្រលំបាករបស់ប្រជាពលរដ្ន លុបបំបាត់ភាពក្រីក្រ លើកស្ទួយ ជីវភាពអោយរឹតតែល្អប្រសើរ និងរស់នៅក្នុងភាព សុខសាន្ដ មានសន្ដិភាព និងភាពសំបូរសប្បាយ៕ ប៊ុនរិទ្ធី
