ព្រះវិហារ៖ គ្រោះថ្នាក់ចរាចរណ៍ រវាងរថយន្តដឹកដីបើកបុកម៉ូតូបណ្តាលឱ្យស្ត្រីម្នាក់រងរបួសធ្ងន់ ត្រូវបានក្រុមគ្រូសារដឹកយកមកសង្គ្រោះបន្ទាន់នៅមន្ទីរពេទ្យ បង្អែក ១៦មករា ខេត្តព្រះវិហារ ។ ករណីគ្រោះថ្នាក់ចរាចរនេះបានកើតឡើង កាលពីវេលាម៉ោង១០ព្រឹក ថ្ងៃទី ១០ ខែ កុម្ភះនេះ នៅតាមបណ្តោយផ្លូវភ្លោះ វិមានឯករាជ្យ រថយន្តម៉ាក កូរ៉េ បិតផ្លាកកងកម្លាំងវិស្វកម្មពណ៌ខៀវពាក់ស្លាកលេខ ក្រចេះ 3A 0045 បុកជាមួយម៉ូតូ ម៉ាកហុងដាឌ្រីមសេ១២៥ សេរី០៤ ពាក់ស្លាកលេខ រដ្ឋ 36.1.0805។ តាមការបំភ្លឺពីសាក្សីដែលបានឃើញហេតុការណ៍នេះឱ្យដឹងថា មុនពេលកើតហេតុគេឃើញរថយន្តដឹកដី
បានបើកបរក្នុងទិសដៅ ពីកើតទៅលិច បោះពួយយ៉ាងលឿនមកដល់ចំណុចកើតហេតុ ក៏បានវ៉ាកអើរ នឹងម៉ូតូតាមបណ្តោយផ្លូវភ្លោះពីជើងទៅត្បួងដល់ផ្លូវបែកជាបួនត្រូវរថយន្តបុកចំពីមុខ បណ្តាលឱ្យម៉ូតូជាប់ក្រោមរថយន្ត អ្នករងគ្រោះ ខ្ទាតទៅលើចិញ្ចើមផ្លូវម្ខាង ។ ក្រោយពេលកើតហេតុ រូចអ្នកបើកបររថយន្ត បើកទ្វាររត់បាត់ស្រមោល ករណីគ្រោះថ្នាក់ចរារចរណ៍ខាងលើនេះបង្ករឡើងដោយសារ រថយន្តដឹកដីបើកបរក្នុងល្បឿនលឿនហូសកំណត់មិនគោរពច្បាប់ចរាចរណ៍ ។
បណ្តាលឱ្យប៉ះពាល់ដល់អាយុជីវិតអ្នកដទៃ ប្រជាពលរដ្ឋនៅក្នុងក្រុងព្រះវិហារទើបតែបានលើកសំណូមពរដល់ឯកឧត្តម សូស យ៉ារ៉ា ឱ្យជួយធ្វើអន្តរគមន៍ទៅនឹងក្រុមហ៊ុនដឹកដី ចូលក្នុងក្រុងព្រះវិហារ មិនទាន់បានប៉ុន្មានថ្ងៃផង រថយន្តដឹកដី បើកបុកមនុស្សនៅក្នុងក្រុងព្រះវិហារ ទង្វើររបស់ក្រុមរថយន្តដឹកដី ហាក់បីដូចជាចង់សាកល្បងមើល
តើអំណាចតំណាងរាស្ត្រ សួស យ៉ារ៉ា អាចធ្វើអី្វពួកក្រុមរថយន្តដឹកដីនេះកើតដែររឺទេ? ប្រជាពលរដ្ឋនៅក្នុងក្រុងព្រះវិហារបានធ្វើការរិះគន់អាជ្ញាធរក្រុងព្រះវិហារថា បណ្តែតបណ្តោយឱ្យក្រុមហ៊ុនដឹកដីបង្ករព្យុះភ្លៀង តាមអំពើរចិត្ត កន្លងមកក្រុមរថយន្តដឹកដីនេះបានបង្ករផលប៉ះពាល់ដល់ទ្រព្យសម្បតិ្តសាធារណៈក៏ដូចជាប៉ះពាល់ដល់អាយុជីវិតរបស់ប្រជាពលរដ្ឋនៅក្នុងក្រុងព្រះវិហារថែមទៀត ។
ប្រជាពលរដ្ឋនៅក្នុងក្រុងព្រះវិហារទាំងមួលរងចាំមើលដំណោះស្រាយអាជ្ញាធរមានសមត្ថកិច្ច តើមានយុត្តិធម៌ទេចំពោះប្រជាពលរដ្ឋស្លូតត្រង់ ហើយក៏បានសំណូមពរ ដល់ឯកឧត្តមអភិបាល ខេត្តព្រះវិហារ ឯកឧត្តមអ្នកតំណាងរាស្ត្រមណ្ឌុលព្រះវិហារ មេត្តាជួយមានវិធានការចំពោះក្រុមហ៊ុនរថយន្តដឹកដីគ្មានសណ្តាប់ធ្នាប់ នៅក្នុងក្រុងព្រះវិហារ បើមិនមានវិធានការទេ ថ្ងៃក្រោយមិនដឹងថា មានប្រជាពលរដ្ឋប៉ុន្មាននាក់ទៀតដែលរងគ្រោះដោយសាក្រុមរថយន្តដឹកដីនេះ។ រីឯរថយន្តបង្ករត្រូវបានសមត្ថកិច្ចយកមករក្សាទុកនៅអធិការដ្ឋានគរបាលក្រុងព្រះវិហារ ដើម្បីដោះស្រាយតាមនិតិវិធីច្បាប់។ 
