ភ្នំពេញ ៖ រថយន្តតូយ៉ូតាស៊ើប ១គ្រឿង ពណ៌ខៀវលាយស ពាក់ស្លាកលេខ ភ្នំពេញ 2F-1787 ធ្វើដំណើរយ៉ាងលឿនតាមបណ្តោយផ្លូវ៥៩៨ ក្នុងទិសដៅពីជើងទៅត្បូង ក៏បានរេចង្កូតទៅបុកដើមត្របែកព្រៃនៅលើចិញ្ចើមផ្លូវ បាក់អស់ ១ដើម សំណាងគ្មានមនុស្សរងគ្រោះថ្នាក់។ ហេតុការណ៍នេះ បានកើតឡើងកាលពីវេលាម៉ោង ១០ និង ២៥នាទី យប់ថ្ងៃទី១០ កុម្ភៈ ២០១៤ ស្ថិតក្នុងសង្កាត់ទឹកល្អក់ទី១ ខណ្ឌទួលគោក។ យោងតាមប្រភពព៌ត៏មាននៅកន្លែងដែរឃើញហេតុការណ៏នេះបានឲ្យដឹងថានៅមុនពេលកើតគេបានឃើញ រថយន្តមួយគ្រឿងម៉ាកតូយ៉ូតាស៊ើប
ពណ៌ខ្មៅលាយទឹកប្រាក់ បើកបរដោយបុរសម្នាក់បានធ្វើដំណើរតាមបណ្ដោយផ្លូវ៥៩៨ ក្នុងល្បឿនលឿនក្នុងទិសដៅពីត្បូងទៅជើងបានរ៉េចង្កូតជ្រុលមកបុកនិងដើមផ្កាត្របែកព្រៃ បណ្ដាលអោយបាក់មួយដើមគាបជាប់រថយន្តទៅមុខលែងរួច។
បើតាមការអោយពីម្ចាស់រថយន្តខាងលើនេះបានអោយដឹងថា គាត់មិនមែនស្រវឹងទេ គឺគាត់រវល់និយាយទូរស័ព្ទភ្លេចមើលផ្លូវខាងមុខទើបបណ្ដាលអោយរថយន្តគាត់ជ្រុលទៅបុកនិងដើមផ្កាត្របែកព្រៃនេះតែម្ដង ហើយគាត់បាននិយាយថាគាត់គ្មានចេតនាបង្កអោយមានគ្រោះថ្នាក់បែបនេះឡើយ។បន្ទប់ពីកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះវាស់វែងស្ទូចយករថយន្តខាងលើនេះទៅរក្សាទុកនៅការិយាល័យចរាចរជើងគោករង់ចាំធ្វើការដោះស្រាយតាមនីតិវិធីច្បាប់៕ 
